Abai oblysynyń ákimi Berik Ýáli oblys ortalyǵyndaǵy iri jylý qazandyqtary men №1 jylý elektr ortalyǵyna baryp, jumysymen tanysty,– dep habarlaidy Dalanews.kz
Qalanyń oń jaǵalaýyndaǵy «Ǵabbasov» qazandyǵy 70 kópqabatty úi, 15 áleýmettik, 155 kommertsiialyq nysan men 23 biýdjettik mekemeni jylýmen qamtamasyz etedi. 2025 jyly «103-103a» jáne «Ǵabbasov» qazandyqtary arasyndaǵy jylý jelilerin jalǵastyrǵysh salý, «Ortalyq» jylý qazandyǵynda kollektor men sorǵyny aýystyrý josparlanǵan.
Qazirgi tańda Qaraǵaily yqsham aýdanynda blokty modýldy qazandyqtyń qurylysy júrgizilýde. Joba jeke investordyń qarjysyna júzege asyrylýda. Nysan iske qosylǵan kezde aýdandaǵy 44 kópqabatty úi men 1200 oryndyq mektep jáne ózge de áleýmettik nysandar jylýmen qamtylady.
Nysandardy aralaý barysynda oblys ákiminiń orynbasary Dimitrii Garikov aimaq basshysyna qaladaǵy jylý ortalyqtarynyń jumysy men №3 JEO qurylysy týraly baiandady. Berik Ýáli jylýǵa jaýapty basshylarǵa apatty jaǵdaiǵa jol bermes úshin jylý júielerin únemi baqylaýda ustap, turǵyndardyń ótinishterine der kezinde den qoiýdy tapsyrdy.
2024-2025 jyldardaǵy kúzgi-qysqy kezeńge daiyndyq aiasynda oblysta 22 joba aqtaldy. Osy jobalar sheńberinde 26,1 shaqyrym jylý jelisi men 17 jylý kózderinde jumys júrgizildi. Semeide 14,7 shaqyrym qaita jańartý, 4,8 shaqyrym jeli men 10 jylý kózderi aǵymdaǵy jóndeýden ótti. Jumystyń nátijesinde oblystyń jylý jelileriniń tozýy 64,2%-dan 60,3%-ǵa deiin tómendedi. 2025 jyly 5 joba boiynsha respýblikalyq biýdjetke ótinim joldandy.
Aimaq basshysy sol jaǵalaýda salynyp jatqan Oqýshylar saraiynyń qurylys jumysymen de tanysty. Ǵimarattyń jalpy aýmaǵy – 2,1 ga, aýdany – 9 800 sharshy metr.
Búgingi tańda qurylys jumystarynyń 80 paiyzdan astamy aiaqtalǵan. Jobaǵa sáikes Oqýshylar saraiy ǵylymi-tehnikalyq, kórkem-estetikalyq, sporttyq-saýyqtyrý, gýmanitarlyq, psihologiialyq, tarihi-ólketaný syndy alty negizgi baǵytqa bólingen.
«Bul nysan bizdiń qala úshin mańyzdy. Mektep oqýshylarynyń bos ýaqytyn tiimdi ótkizýge múmkindik beredi. Sondyqtan ǵimarat qurylysyn der kezinde aiaqtaý qajet. Ákimdik tarapynan qajetti kómek kórsetiledi», - dedi Berik Ýáli.
