Búgin oblys ákimi Berik Ýáli qazaqstandyq tanymal saiahatshy, videobloger Dastan Muhamedrahymmen kezdesti, dep habarlaidy Dalanews.kz.
Dastan Muhamedrahym – Abai oblysynyń Aqsýat aýdany, Qyzylkesik aýylynyń týmasy. Ol álemde sirek qoldanylatyn giperlaps formatynda erekshe beinerolikter túsirip, tabiǵat kórinisterin zamanaýi tásilmen usynyp júr. Onyń jumystary elimizdiń týristik áleýetin halyqaralyq deńgeide tanytýǵa zor úles qosyp keledi. Marvel-diń jańa «Órmekshi adam» treileriniń tizerin alǵashqylardyń biri bolyp jariialaǵandardyń qataryna endi.
Jaqynda Frantsiianyń Kanna qalasynda ótken WIBA Awards 2026 halyqaralyq marapattaý rásiminde Dastan Muhamedrahym «Álemniń úzdik travel-blogeri» marapatyna ie boldy. Ol óz eńbekterinde Qazaqstannyń tabiǵi bailyǵyn – asqar taýlaryn, keń baitaq dalasyn, qaitalanbas landshafttaryn erekshe kórkemdikpen beinelep, kórermenge shabyt syilap keledi.
Ol alǵash ret elimizdiń tabiǵaty týraly túsirgen videoroligi arqyly keńinen tanylyp, álemge áigili boldy. Búginde onyń Instagram áleýmettik jelisindegi oqyrmandarynyń sany 1,5 millionnan asady.
Aimaq basshysy kezdesý barysynda saiahatshy blogerdiń shyǵarmashylyǵyn joǵary baǵalap, elimizdiń, onyń ishinde óńirimizdiń týristik imidjin qalyptastyrýdaǵy eńbegi úshin oblys jurtshylyǵy atynan alǵys bildirip, sáttilik tiledi.
