بٷگٸن وبلىس ەكٸمٸ بەرٸك ۋەلي قازاقستاندىق تانىمال ساياحاتشى, ۆيدەوبلوگەر داستان مۇحامەدراحىممەن كەزدەستٸ, دەپ حابارلايدى Dalanews.kz.
داستان مۇحامەدراحىم – اباي وبلىسىنىڭ اقسۋات اۋدانى, قىزىلكەسٸك اۋىلىنىڭ تۋماسى. ول ەلەمدە سيرەك قولدانىلاتىن گيپەرلاپس فورماتىندا ەرەكشە بەينەروليكتەر تٷسٸرٸپ, تابيعات كٶرٸنٸستەرٸن زاماناۋي تەسٸلمەن ۇسىنىپ جٷر. ونىڭ جۇمىستارى ەلٸمٸزدٸڭ تۋريستٸك ەلەۋەتٸن حالىقارالىق دەڭگەيدە تانىتۋعا زور ٷلەس قوسىپ كەلەدٸ. Marvel-دٸڭ جاڭا «ٶرمەكشٸ ادام» ترەيلەرٸنٸڭ تيزەرٸن العاشقىلاردىڭ بٸرٸ بولىپ جارييالاعانداردىڭ قاتارىنا ەندٸ.
جاقىندا فرانتسييانىڭ كاننا قالاسىندا ٶتكەن WIBA Awards 2026 حالىقارالىق ماراپاتتاۋ رەسٸمٸندە داستان مۇحامەدراحىم «ەلەمنٸڭ ٷزدٸك travel-بلوگەرٸ» ماراپاتىنا يە بولدى. ول ٶز ەڭبەكتەرٸندە قازاقستاننىڭ تابيعي بايلىعىن – اسقار تاۋلارىن, كەڭ بايتاق دالاسىن, قايتالانباس لاندشافتتارىن ەرەكشە كٶركەمدٸكپەن بەينەلەپ, كٶرەرمەنگە شابىت سىيلاپ كەلەدٸ.
ول العاش رەت ەلٸمٸزدٸڭ تابيعاتى تۋرالى تٷسٸرگەن ۆيدەوروليگٸ ارقىلى كەڭٸنەن تانىلىپ, ەلەمگە ەيگٸلٸ بولدى. بٷگٸندە ونىڭ Instagram ەلەۋمەتتٸك جەلٸسٸندەگٸ وقىرماندارىنىڭ سانى 1,5 ميلليوننان اسادى.
ايماق باسشىسى كەزدەسۋ بارىسىندا ساياحاتشى بلوگەردٸڭ شىعارماشىلىعىن جوعارى باعالاپ, ەلٸمٸزدٸڭ, ونىڭ ٸشٸندە ٶڭٸرٸمٸزدٸڭ تۋريستٸك يميدجٸن قالىپتاستىرۋداعى ەڭبەگٸ ٷشٸن وبلىس جۇرتشىلىعى اتىنان العىس بٸلدٸرٸپ, سەتتٸلٸك تٸلەدٸ.
