Abai oblysynyń ákimi Berik Ýáli jumys sapary aiasynda Altai qalasynda 20-ǵa jýyq qytailyq investorlarmen kezdesti, dep habarlaidy Dalanews.kz
Kezdesýge óndiris, aýyl sharýashylyǵy, jasandy intellekt, temir jáne áýe joldary, kópir qurylysy, logistika, týrizm, energetika salarynda jumys isteitin kompaniia ókilderi qatysty.
Berik Ýáli qytailyq kásipkerlerge óńirdiń áleýetin tanystyryp, birlese jumys isteýge shaqyrdy.
"Abai oblysynyń ónerkásiptik, agrarlyq, týristik áleýeti zor. Óńir toǵyz joldyń torabynda ornalasqan. Sizdermen barlyq salada yntymaqtastyq, berik qarym-qatynas ornatýǵa daiynbyz. Ózderińiz baiqap otyrǵandai, biz Shyńjań uiǵyr avtonomiialyq ólkesi partiia komitetiniń hatshysy Ma Sinjýidyń shaqyrýymen Altaiǵa eń aýqymdy delegatsiiamen kelip otyrmyz. Bul bizdiń sizdermen burynǵydan da tyǵyz qarym-qatynas ornatýǵa yqylasty ekenimizdi kórsetedi.
Semeide aýmaǵy 1 myń gektardan asatyn, 75 myń turǵynǵa arnalǵan jańa yqsham aýdan boi kóteredi. Osynda 40-tan astam ákimshilik, kommertsiialyq, áleýmettik nysandar, saiabaqtar, turǵyn úi keshenderin salý josparlanǵan. Ózderińizdi osy yqsham aýdannyń qurylysyna qatysýǵa shaqyramyn", - dedi oblys ákimi.
Kezdesý barysynda investorlar ózderiniń jobalaryn tanystyryp, týrizm, kólik logistika, aýyl sharýashylyǵy, salalaryna, jeńil ónerkásip kásiporyndaryn, jylý jelilerin salýǵa bailanysty usynystaryn aitty.
Aimaq basshysy kezdesýde aitylǵan usynystar jan jaqty qarastyrylyp, ákimdik tarapynan tiisti qoldaý kórsetiletin atap ótti.
Aita keteiik, Abai oblysynyń delegatsiiasy erteń Altai qalasynda ótetin halyqaralyq "Úlken Altai" sýbóńirlik konferentsiiasyna qatysady. Oblys ákimi konferentsiiadan keiin bir top investormen kezdesip, memorandýmǵa qol qoiady.
