Bereke Bank Women in Tech Global uiymymen seriktestik týraly kelisimge qol qoidy jáne Osaka qalasynda (Japoniia) ótetin «Women in Tech Global» sammitine qatysatyn qazaqstandyq delegatsiianyń resmi demeýshisi atandy. 60 astam memlekettiń mamandary bas qosatyn sammitke qatysý qazaqstandyqtardyń tehnologiia salasyndaǵy jetistikterin kórsetýdiń biregei múmkindigi bolmaq.
«Bereke Bank qazaqstandyq áielderge bilim berý arqyly jáne olardyń tehnologiialyq jobalardy damytýdaǵy múmkindikterin keńeitý arqyly qoǵamymyzdyń damýyna óz úlesin qosatynyna senimdi. Bizdiń qyzdarymyz óte talantty jáne óz kásipkerlikteriniń jolynda tabysty ekeni jasyryn emes. Búginde olar óz start up jobalaryn jasap, naryqtardy baǵyndyrýda. Biz Woman in Tech-tiń bastamalaryn qoldaimyz jáne qazaqstandyq áielderdiń delegatsiiasyna tehnologiialardaǵy jahandyq kóshbasshylardyń qataryna qosylýǵa jáne óz jobalaryn kórsetýge, kókjiekterin keńeitýge jáne bolashaq innovatsiialardy baǵyndyrýda úlken senimmen barýǵa múmkindik beremiz», - dedi óz sózinde «Bereke Bank» AQ Basqarma tóraǵasynyń orynbasary Alina Anikina.
Qazaqstandyq delegatsiiaǵa demeý bolý bul yntymaqtastyqtyń birinshi kezeńi ǵana, aldaǵy josparlarda qyzdardy qarjy, IT-tehnologiialarda jańa daǵdylardy igerýdegi jáne tsifrlyq jobalardy damytý baǵytynda Women in Tech Global Qazaqstanmen birigip, jumys jasaý.
«Biz Bereke Bank-ti jańa seriktesterimizdiń qatarynda kórgenimizge qýanyshtymyz. Bizdiń yntymaqtastyǵymyz – kóptegen áielderdi Qazaqstan men Ortalyq Aziiadaǵy tehnologiialar men innovatsiialarda tabysqa jetýge shabyttandyrý jolyndaǵy missiiamyzdy oryndaýdaǵy mańyzdy qadam», - dedi Women in Tech Global-dyń negizin qalaýshysy, prezidenti jáne bas direktory Aiými Mýr Aoki.
Women in Tech Global - bul genderlik alshaqtyqty joiýǵa jáne áielderge ártúrli salalarǵa, sonyń ishinde: IT-tehnologiialar, qarjy, injenerlik jáne ǵylymi salalarǵa qatysýǵa ári belsendi túrde damýǵa kómektesýge baǵyttalǵan halyqaralyq kommertsiialyq emes uiym. Uiym jumysynyń negizgi baǵyttary bilim berý, biznes, tsifrlyq inkliýziia, teń múmkindikterdi qorǵaý men sony nasihattaý bolyp tabylady.
«Qazaqstandyq chaptar myqty kásipqoi mamandardy, táýelsiz jáne talantty áiel kóshbasshylardy damytýǵa jáne tárbieleýge kómektesedi. Biz qazaqstandyq áielder jańa bilim men daǵdylardy alatyn, tájiribe almasatyn jáne basqa qatysýshylarmen birlesken jobalar men yntymaqtastyqtar úshin múmkindikter alatyn kúshti jáne qoldaýshy qoǵamdastyq qurýdy josparlap otyrmyz», - dep, óz oiymen Women in Tech Kazakhstan Chapter-diń direktory Ásem Bolatjan bólisti.
Bereke Bank jańa quzyretterdi, ónimdi ázirleýdiń ikemdi ádisterin damytýǵa aitarlyqtai kúsh salatynyn jáne naryqta alǵashqylardyń biri bolyp SAFe operatsiialyq modeli boiynsha tolyq jumys isteitinin atap ótken jón. Bank kóptegen baǵyttar boiynsha sertifikattalǵan sarapshylarǵa ie, olar óz bilimderimen kompaniia ishinde, sondai-aq naryqta da bólisip, jańa quzyretterdi igerýge kómektesýde.
