Bereke Bank Basqarmasynyń Tóraǵasy Andreı Tımchenko óz sózinde:
«Men qazaqstandyqtarǵa jańartylǵan logotıpimizdi qýana usynamyn. Bul jaı ǵana belgi emes, bunyń astarynda Bereke Bank-tiń bolashaqta qalaı damıtyny, qandaı ónimderdi usynatyny jáne bizdiń bankti klıentter ne úshin tańdaıtyny týraly suraqtarǵa jaýap beretin mán-maǵyna bar. Bul - bizdiń ujymymyzdyń qajyrly eńbeginiń nátıjesi».
Bereke Bank logotıpiniń stılısıkalyq jańarýy banktiń sanksıalardan shyqqannan keıin operasıalyq qyzmetin tolyq qalpyna keltirilgenin aıqyndaıdy. Restaılıng kezinde bank Fitch-ten BB reıtıńin aldy, Visa, MasterCard, sheteldik korespondent-banktermen qarym-qatynasty, AppStore jáne Google Play-di, sondaı-aq óziniń mobıldi qosymshalaryn qalpyna keltirdi. Banktiń jańa strategıasy qoldanystaǵy Bereke Bank ataýynyń negizinde jasaldy.
Jańa strategıany ázirleý birneshe aıǵa sozyldy jáne oǵan banktiń búkil ujymy atsalysty. Jańartylǵan logotıpten basqa, bank aýdıtorıaǵa «Bári Bereke-li bolady!» degen jańa urandy usynyp otyr.
«Bereke» - qazaqstandyqtar úshin tereń maǵynaly sóz ári ol januıamen, úımen, ál-aýqatpen tikeleı baılanysty. Jańa Bereke Bank ár klıentke qamqorlyq pen erekshe kózqaras tanytý arqyly olardy baqytqa, jetistikke, bolashaqqa degen senim men jarqyn ómirge jeteleıdi. «Bári Berekeli bolady» dep, Bereke Bank osyǵan kepildik beredi.
Bereke Bank Basqarmasynyń Tóraǵasy Andreı Tımchenko: «Biz Qazaqstannyń bank naryǵyn muqıat zerdeledik, tutynýshylarǵa zertteý júrgizdik jáne uzaq ómir súretin jáne qosymsha tabys ákeletin ári tanymal bolatyn brend qurýǵa tyrystyq».
Logotıpti jańartý Bereke Bank-tiń zamanaýı sıfrlyq ortaǵa tez beıimdele alatyn básekege qabiletti bıznes qurýǵa degen umtylysyn kórsetedi. Jańa logotıp tehnologıaly, ony kez-kelgen ortada, sonyń ishinde sıfrlyq ortada ońaı qoldanýǵa bolady.
Logotıptiń qanyq ári tartymdy tústeri brendtiń negizgi ıdeıasymen úılesim tabady. Kók tús – senimdilik, turaqtylyq pen tepe-teńdiktiń belgisi. Al jasyl bolsa, qýanyshty, sáttilik pen jetistikti, baqytty ómirdi aıshyqtaıdy. Brendıngte qoldanylǵan ár element klıentimizge arnalǵan qyzmetterdiń birligi men úılesimin tanytady.
Bereke Bank Basqarmasynyń Tóraǵasy Andreı Tımchenko: «Brend sabaqtastyǵyn saqtaý úshin biz jasyl tústi qaldyryp, qoıý kók tústi qostyq. Kók – ol aspan. Jasyl – jer. Bul – Qazaqstandy beıneleıtin túster. Biz qazaqstandyq bankpiz! Jańashyldyqqa bet burýymyz klıentke baǵyttalǵan bank bolýǵa degen umtylysymyzdy, ambısıamyzdy aıqyndaıdy».
Logotıpti jańartý qarjy ınstıtýty jumysynyń kelesi sapaly kezeńin belgileıdi. Bank barlyq qazaqstandyqtardy ulttyq valútamyzdyń 30 jyldyǵymen quttyqtaıdy, barshańyzǵa qut-bereke, tolaǵaı tabystar tileımiz. Bári Bereke-li bolady!
Anyqtama úshin:
«Bereke Bank» AQ – ekinshi deńgeıdegi qazaqstandyq bank, qarjy uıymy aksıalarynyń 100%-y «Báıterek» UBH» AQ atynan QR Úkimetine tıesili. Bereke Bank QR EDB ÚZDİK ONDYǴYNA kiredi. Maýsym aıynyń basynda Fitch Ratings halyqaralyq agenttigi «Bereke Bank» AQ-ǵa turaqty boljammen «BB» deńgeıinde uzaqmerzimdi reıtıń berdi. Bul Qazaqstannyń bank naryǵynda eń joǵary reıtıńterdiń biri.
