Rýslan Berdenovke jasalǵan qastandyq týraly is boıynsha keshegi sot otyrysynda sýdıa Ábinur Qarabaev jýrnalıs Botagóz Omarovaǵa tilin shyǵarǵan, dep habarlaıdy Dalanews.kz.
Botagóz Omarova sot zalyndaǵy vıdeony Facebook paraqshasynda jarıalady. Jelide bul jaıt qyzý talqylanyp jatyr.
Sýdıaǵa qatysty tekseris taǵaıyndaldy
"Tóraǵalyq etýshi sýdıa Ábinur Qarabaevtyń Shymkent qalasy ákiminiń orynbasaryna jasalǵan qastandyq týraly qylmystyq isti qaraý kezindegi áreketi Sýdıa ádebi kodeksi buzylýyna baılanysty tekseriledi", - dep jaýap bergen sottyń baspasóz qyzmeti ókili.
Buǵan deıingi jaǵdaı
Eske salaıyq, buǵan deıin Rýslan Berdenov sotqa kelýge mindettelgeni habarlandy. Sot otyrysynda sýdıa Ábinur Qarabaev Rýslan Berdenovti 6 tamyzǵa josparlanǵan negizgi sot prosesine mindetti túrde qatysýǵa shaqyrdy.
