Руслан Берденовке жасалған қастандық туралы іс бойынша кешегі сот отырысында судья Әбінұр Қарабаев журналист Ботагөз Омароваға тілін шығарған, деп хабарлайды Dalanews.kz.
Ботагөз Омарова сот залындағы видеоны Facebook парақшасында жариялады. Желіде бұл жайт қызу талқыланып жатыр.
Судьяға қатысты тексеріс тағайындалды
"Төрағалық етуші судья Әбінұр Қарабаевтың Шымкент қаласы әкімінің орынбасарына жасалған қастандық туралы қылмыстық істі қарау кезіндегі әрекеті Судья әдебі кодексі бұзылуына байланысты тексеріледі", - деп жауап берген соттың баспасөз қызметі өкілі.
Бұған дейінгі жағдай
Еске салайық, бұған дейін Руслан Берденов сотқа келуге міндеттелгені хабарланды. Сот отырысында судья Әбінұр Қарабаев Руслан Берденовті 6 тамызға жоспарланған негізгі сот процесіне міндетті түрде қатысуға шақырды.
