رۋسلان بەردەنوۆكە جاسالعان قاستاندىق تۋرالى ءىس بويىنشا كەشەگى سوت وتىرىسىندا سۋديا ءابىنۇر قارابايەۆ جۋرناليست بوتاگوز وماروۆاعا ءتىلىن شىعارعان، دەپ حابارلايدى Dalanews.kz.
بوتاگوز وماروۆا سوت زالىنداعى ۆيدەونى Facebook پاراقشاسىندا جاريالادى. جەلىدە بۇل جايت قىزۋ تالقىلانىپ جاتىر.
سۋدياعا قاتىستى تەكسەرىس تاعايىندالدى
"ءتوراعالىق ەتۋشى سۋديا ءابىنۇر قارابايەۆتىڭ شىمكەنت قالاسى اكىمىنىڭ ورىنباسارىنا جاسالعان قاستاندىق تۋرالى قىلمىستىق ءىستى قاراۋ كەزىندەگى ارەكەتى سۋديا ادەبى كودەكسى بۇزىلۋىنا بايلانىستى تەكسەرىلەدى"، - دەپ جاۋاپ بەرگەن سوتتىڭ باسپا ءسوز قىزمەتى وكىلى.
بۇعان دەيىنگى جاعداي
ەسكە سالايىق، بۇعان دەيىن رۋسلان بەردەنوۆ سوتقا كەلۋگە مىندەتتەلگەنى حابارلاندى. سوت وتىرىسىندا سۋديا ءابىنۇر قارابايەۆ رۋسلان بەردەنوۆتى 6 تامىزعا جوسپارلانعان نەگىزگى سوت پروسەسىنە مىندەتتى تۇردە قاتىسۋعا شاقىردى.
