رۋسلان بەردەنوۆكە جاسالعان قاستاندىق تۋرالى ٸس بويىنشا كەشەگٸ سوت وتىرىسىندا سۋديا ەبٸنۇر قاراباەۆ جۋرناليست بوتاگٶز وماروۆاعا تٸلٸن شىعارعان, دەپ حابارلايدى Dalanews.kz.
بوتاگٶز وماروۆا سوت زالىنداعى ۆيدەونى Facebook پاراقشاسىندا جارييالادى. جەلٸدە بۇل جايت قىزۋ تالقىلانىپ جاتىر.
سۋدياعا قاتىستى تەكسەرٸس تاعايىندالدى
"تٶراعالىق ەتۋشٸ سۋديا ەبٸنۇر قاراباەۆتىڭ شىمكەنت قالاسى ەكٸمٸنٸڭ ورىنباسارىنا جاسالعان قاستاندىق تۋرالى قىلمىستىق ٸستٸ قاراۋ كەزٸندەگٸ ەرەكەتٸ سۋديا ەدەبٸ كودەكسٸ بۇزىلۋىنا بايلانىستى تەكسەرٸلەدٸ", - دەپ جاۋاپ بەرگەن سوتتىڭ باسپاسٶز قىزمەتٸ ٶكٸلٸ.
بۇعان دەيٸنگٸ جاعداي
ەسكە سالايىق, بۇعان دەيٸن رۋسلان بەردەنوۆ سوتقا كەلۋگە مٸندەتتەلگەنٸ حابارلاندى. سوت وتىرىسىندا سۋديا ەبٸنۇر قاراباەۆ رۋسلان بەردەنوۆتٸ 6 تامىزعا جوسپارلانعان نەگٸزگٸ سوت پروتسەسٸنە مٸندەتتٸ تٷردە قاتىسۋعا شاقىردى.
سەبەبٸ رۋسلان بەردەنوۆ الدىن الا تىڭداۋعا ٶزٸ كەلمەگەن ەدٸ. ونىڭ ٶكٸلٸ رۋسلان بەردەنوۆ ەم قابىلداپ جاتقانىن مەلٸمدەدٸ.
ەكٸمدٸك ماڭىنداعى اتىس تۋرالى
21 سەۋٸردە شىمكەنت قالاسى ەكٸمدٸگٸ عيماراتى ماڭىندا اتىس بولدى. سالدارىنان رۋسلان بەردەنوۆ جاراقات الدى. ارتىنشا كٷدٸكتٸ ۇستالىپ, ۋاقىتشا ۇستاۋ يزولياتورىنا قامالدى, بۇل دەرەك بويىنشا قىلمىستىق ٸس قوزعالدى.
بۇل ٸس بويىنشا باستى كٷدٸكتٸ - ەرنار جيەمباي. اشىق فورماتتا ٶتكەن الدىن الا تىڭداۋ كەزٸندە سۋديا جيەمبايدىڭ سوت پروتسەسٸ بارىسىندا ٶزٸن تٷسٸرۋگە قارسى ەكەنٸن جەتكٸزدٸ.
