– Qazaqstanda benzın baǵasynyń kórshi elderdegideı qymbat bolýynan qasha almaımyz. Baǵa birtindep kóteriledi. Aıtylyq, Qazaqstan men Reseıdegi bir lıter benzınniń baǵasynyń aıyrmashylyǵy 100 teńgeni quraıdy. Kórshi elge janarmaı tasymaldaý isine tosqaýyl qoıǵan sátte – ol qandaıda bir jemqorlyq oqıǵalyryn týdyratyny jasyryn emes, – dedi Qanat Bozymbaev Nur-Sultan qalasynda jýrnalıserge túsinikteme berdi.
Sonymen qatar, ol benzın baǵasynyń qymbattaýy halyq úshin qandaıda bir «shok» bolmaıtynyn da aıtty.
Biraq mınıstr benzın baǵasynyń qaı ýaqyttan bastap joǵarlaıtynyn ashyp aıtqan joq.
Qanat Bozymbaev qazirgi tańda Qazaqstanda óndirilgen benzın janarmaı baǵasy áldeqaıda qymbat – Reseı, Qyrǵyzstan jáne Ózbekstanǵa kontarbandalyq jolmen tasymaldanyp jatqanyn da tilge tıek etti.
– Sizder bilesizder me, Qazaqstannyń Reseımen shektesetin aımaqtarynda kórshi elden kún saıyn myńdaǵan adam Qazaqstan terıtorıasyna ótip, kólikterine benzın quıyp, qosymsha kanıstrlerge quıyp alyp ketýde. Al júk kólikteri qosymsha baktar ornatyp alyp, Qazaqstannyń arzan dızel otynyn tonnalap satyp alýda.
Úkimet janar-jaǵarmaı salasyn sýbsıdıalasa, ekinshi jaǵynan onyń qyzyǵyn kórshi elderdiń júrgizýshileri kórýde. Bizder bóten eldiń ekonomıkasyn qashanǵa sýbsıdıalaı beremiz? Bul uzaqqa sozylmaý kerek, – dep mınıstr janarmaı máselesine qatysty oıyn ortaǵa saldy.
Qazirgi tańda Qanat Bozymbaev basqaratyn mınıstrlik Memlekettik kiris komıteti jáne Ulttyq qaýipszdik komıtetimin tize qosyp, kórshi el azamattarynyń kólik quraldaryn paıdalanyp, syrt elge janar-jaǵarmaı tasý isine shekteý qoıýdyń jolyn qarastyryp jatqany málimdedi.
