Almatyda naýryz aiynyń ortasynda ustalǵan belsendi Sanjar Bokaevqa qatysty qylmystyq is eki bap boiynsha tergelip jatyr, dep habarlaidy Dalanews.kz.
Bul týraly Bas prokýratýra Informburo.kz saýalyna bergen jaýabynda málimdedi.
Vedomstvonyń málimetinshe, sotqa deiingi tergep-tekserý organy kúdiktiniń áreketin Qylmystyq kodekstiń eki baby boiynsha saralaý týraly qaýly shyǵarǵan.
Atap aitqanda, is QK-niń 190-baby 4-bóligi 2-tarmaǵy – asa iri kólemdegi alaiaqtyq jáne 340-baby 3-bóligi 1-tarmaǵy – adamdar toby jasaǵan zańsyz aǵash kesý derekteri boiynsha qaralyp jatyr.
Bas prokýratýranyń habarlaýynsha, atalǵan qaýly prokýrormen kelisilgen.
Bul baptar boiynsha kúdiktige aiyppuldan bastap bas bostandyǵynan aiyrýǵa deiingi jaza qarastyrylýy múmkin.
Eske salaiyq, Sanjar Boqaev jalǵan aqparat taratý jáne qoǵamda teris pikir qalyptastyrý maqsatynda áleýmettik jelilerde jeke tulǵalardyń qoǵamdyq saiabaq aýmaǵynda aǵashtardy zańsyz keskeni jáne qurylys nysandarynan múlik urlaǵany týraly video jariialady degen kúdikke ilingen.
