الماتىدا ناۋرىز ايىنىڭ ورتاسىندا ۇستالعان بەلسەندى سانجار بوكايەۆقا قاتىستى قىلمىستىق ءىس ەكى باپ بويىنشا تەرگەلىپ جاتىر، دەپ حابارلايدى Dalanews.kz.
بۇل تۋرالى باس پروكۋراتۋرا Informburo.kz ساۋالىنا بەرگەن جاۋابىندا مالىمدەدى.
ۆەدومستۆونىڭ مالىمەتىنشە، سوتقا دەيىنگى تەرگەپ-تەكسەرۋ ورگانى كۇدىكتىنىڭ ارەكەتىن قىلمىستىق كودەكستىڭ ەكى بابى بويىنشا سارالاۋ تۋرالى قاۋلى شىعارعان.
اتاپ ايتقاندا، ءىس قك-نىڭ 190-بابى 4-بولىگى 2-تارماعى – اسا ءىرى كولەمدەگى الاياقتىق جانە 340-بابى 3-بولىگى 1-تارماعى – ادامدار توبى جاساعان زاڭسىز اعاش كەسۋ دەرەكتەرى بويىنشا قارالىپ جاتىر.
باس پروكۋراتۋرانىڭ حابارلاۋىنشا، اتالعان قاۋلى پروكۋرورمەن كەلىسىلگەن.
بۇل باپتار بويىنشا كۇدىكتىگە ايىپپۇلدان باستاپ باس بوستاندىعىنان ايىرۋعا دەيىنگى جازا قاراستىرىلۋى مۇمكىن.
ەسكە سالايىق، سانجار بوقايەۆ جالعان اقپارات تاراتۋ جانە قوعامدا تەرىس پىكىر قالىپتاستىرۋ ماقساتىندا الەۋمەتتىك جەلىلەردە جەكە تۇلعالاردىڭ قوعامدىق ساياباق اۋماعىندا اعاشتاردى زاڭسىز كەسكەنى جانە قۇرىلىس نىساندارىنان مۇلىك ۇرلاعانى تۋرالى ۆيدەو جاريالادى دەگەن كۇدىككە ىلىنگەن.
