Belsendi Marǵulan Boranbai bostandyqqa shyqty, – dep habarlaidy Dalanews.kz.
Bul týraly Májilis depýtaty Ermurat Bapi málimdedi.
"Eldiń egemendigine, qazaqtyń namysyna arasha túsemin dep, sotty bolǵan Marǵulan baýyr Boranbai tórt jyldan soń túrmeden shyǵyp, aǵasyna amandasýǵa kelipti. Ótken kúzde Serikjan ekeýimiz koloniiaǵa, Marǵulan marqasqaǵa barǵanymyzda: "ÝDO"-ǵa shyǵýǵa kómekteseiik..." dep edik. "Eshkimnen keshirim suraityndai kinám joq, otsijý ot zvonka do zvonka" degen-di sonda qazaqtyń namysyn shovenist-vatnikterden qorǵaimyn dep, naqaq jalamen abaqtyǵa qamalǵan minezdi Marǵulan. "Qazaqtyń naǵyz ultshyl patrioty kim?" dep áldekim surai qalsa, oilanbastan osy oǵylandy atańyzdar! Eshqashan qatelespeisiz, Marǵulan sizdi qatelestirmeidi! Kámil senemin! Aman bol, altyn baýyrym!" - dep jazdy ol.
Aita keteiik, Marǵulan Boranbai bes jyl buryn qamaýǵa alynyp, 2022 jyly Almaty qalasynyń Almaly aýdandyq sotynyń úkimimen 5 jyl 2 aiǵa bas bostandyǵynan aiyryldy.
Ol Qazaqstan Respýblikasynyń Qylmystyq kodeksiniń 174-babynyń 2-bóligi ("ultaralyq arazdyqty qozdyrý") jáne 179-babynyń 2-bóligi ("bilikti kúshpen basyp alýǵa shaqyrý") boiynsha kináli dep tanylǵan bolatyn.
Marǵulan Boranbaidyń aiyptalýyna áleýmettik jelilerdegi jazbalary sebep bolǵan. Ol reseilik saiasatkerlerdiń Qazaqstanǵa qatysty málimdemelerine qarsy pikir bildirip, Reseidiń Ýkrainaǵa basyp kirýin synǵa alǵan.
