Belsendi Polina Shimanskaia Almatydaǵy N57 avtobýs júrgizýshileri demalatyn oryndy kórsetti, dep habarlaidy Dalanews.kz.
Onyń sózinshe, Almatydaǵy eń problemaly baǵyttardyń biri sanalatyn №57 júrgizýshileri reisten kelip demalatyn oryn aidalada ornalasqan. Júrgizýshilerge eshqandai jaǵdai jasalmaǵan.
Júrgizýshiler aýyr ári adam tózgisiz jaǵdaida jumys istep júr. Olardyń aitýynsha, eńbek jaǵdaiy tek yńǵaisyz emes, tikelei densaýlyqqa qaýip tóndiretin deńgeige jetken.
Júrgizýshilerdiń negizgi shaǵymdarynyń biri – eń qarapaiym turmystyq jaǵdaidyń joqtyǵy. Marshrýttyń sońǵy aialdamasynda olar úshin jabdyqtalǵan ájethana da, taza sý da joq.
As ishetin oryn retinde eski vagon qoiylǵan, biraq onda:
-
aýyz sý joq,
-
qol jýatyn jer qarastyrylmaǵan,
-
sanitarlyq talaptar saqtalmaidy.
№57 marshrýtta jumys isteitin júrgizýshiler tańǵy altydan keshki 23.00-ge deiin rólde otyrady. Demalýǵa, dárethanaǵa barýǵa nemese tamaq ishýge jetkilikti úzilis berilmeidi.
