بەلسەندى پولينا شيمانسكايا الماتىداعى N57 اۆتوبۋس جۇرگىزۋشىلەرى دەمالاتىن ورىندى كورسەتتى، دەپ حابارلايدى Dalanews.kz.

ونىڭ سوزىنشە، الماتىداعى ەڭ پروبلەمالى باعىتتاردىڭ ءبىرى سانالاتىن №57 جۇرگىزۋشىلەرى رەيستەن كەلىپ دەمالاتىن ورىن ايدالادا ورنالاسقان. جۇرگىزۋشىلەرگە ەشقانداي جاعداي جاسالماعان. 

جۇرگىزۋشىلەر اۋىر ءارى ادام توزگىسىز جاعدايدا جۇمىس ىستەپ ءجۇر. ولاردىڭ ايتۋىنشا، ەڭبەك جاعدايى تەك ىڭعايسىز ەمەس، تىكەلەي دەنساۋلىققا ءقاۋىپ توندىرەتىن دەڭگەيگە جەتكەن.

جۇرگىزۋشىلەردىڭ نەگىزگى شاعىمدارىنىڭ ءبىرى – ەڭ قاراپايىم تۇرمىستىق جاعدايدىڭ جوقتىعى. مارشرۋتتىڭ سوڭعى ايالداماسىندا ولار ءۇشىن جابدىقتالعان اجەتحانا دا، تازا سۋ دا جوق.

اس ىشەتىن ورىن رەتىندە ەسكى ۆاگون قويىلعان، ءبىراق وندا:

• اۋىز سۋ جوق،

• قول جۋاتىن جەر قاراستىرىلماعان،

• سانيتارلىق تالاپتار ساقتالمايدى.

№57 مارشرۋتتا جۇمىس ىستەيتىن جۇرگىزۋشىلەر تاڭعى التىدان كەشكى 23.00-گە دەيىن رولدە وتىرادى. دەمالۋعا، دارەتحاناعا بارۋعا نەمەسە تاماق ىشۋگە جەتكىلىكتى ءۇزىلىس بەرىلمەيدى.