94 jasqa qaraǵan shaǵynda belgili pedagog, Qazaqstannyń bilim salasyna eńbek sińirgen qairatkeri Klara Zorina dúnieden ótti, dep habarlaidy dalanews.kz.
Aqtaý qalalyq máslihaty men qala ákimdigi Klara Zorinanyń týǵan-týystary men jaqyndaryna kóńil aitty.
Klara Zorina 1933 jyly dúniege kelgen. Ol uzaq jyldar boiy orys tili men ádebieti páninen sabaq berip, búkil ómirin bilim berý men jas urpaqty tárbieleýge arnaǵan.
Onyń shákirtteriniń biri – keiin qazaqtyń kórnekti aqyny atanǵan Fariza Ońǵarsynova.
Atyraý óńirinen Aqtaýǵa qonys aýdarǵannan keiin de Klara Zorina pedagogikalyq qyzmetin jalǵastyryp, Mańǵystaý oblysynyń bilim berý júiesiniń damýyna eleýli úles qosty.
Uzaq jylǵy eńbek jolynda ol shákirtteri men áriptesteriniń júreginde óshpes iz qaldyrdy.
"Klara Dmitrievnanyń jarqyn beinesi shákirtteri, áriptesteri, týǵan-týystary men jaqyndarynyń júreginde máńgi saqtalady", – delingen qala ákimdiginiń habarlamasynda.
