94 جاسقا قاراعان شاعىندا بەلگٸلٸ پەداگوگ, قازاقستاننىڭ بٸلٸم سالاسىنا ەڭبەك سٸڭٸرگەن قايراتكەرٸ كلارا زورينا دٷنيەدەن ٶتتٸ, دەپ حابارلايدى dalanews.kz.
اقتاۋ قالالىق مەسليحاتى مەن قالا ەكٸمدٸگٸ كلارا زورينانىڭ تۋعان-تۋىستارى مەن جاقىندارىنا كٶڭٸل ايتتى.
كلارا زورينا 1933 جىلى دٷنيەگە كەلگەن. ول ۇزاق جىلدار بويى ورىس تٸلٸ مەن ەدەبيەتٸ پەنٸنەن ساباق بەرٸپ, بٷكٸل ٶمٸرٸن بٸلٸم بەرۋ مەن جاس ۇرپاقتى تەربيەلەۋگە ارناعان.
ونىڭ شەكٸرتتەرٸنٸڭ بٸرٸ – كەيٸن قازاقتىڭ كٶرنەكتٸ اقىنى اتانعان فاريزا وڭعارسىنوۆا.
اتىراۋ ٶڭٸرٸنەن اقتاۋعا قونىس اۋدارعاننان كەيٸن دە كلارا زورينا پەداگوگيكالىق قىزمەتٸن جالعاستىرىپ, ماڭعىستاۋ وبلىسىنىڭ بٸلٸم بەرۋ جٷيەسٸنٸڭ دامۋىنا ەلەۋلٸ ٷلەس قوستى.
ۇزاق جىلعى ەڭبەك جولىندا ول شەكٸرتتەرٸ مەن ەرٸپتەستەرٸنٸڭ جٷرەگٸندە ٶشپەس ٸز قالدىردى.
"كلارا دميتريەۆنانىڭ جارقىن بەينەسٸ شەكٸرتتەرٸ, ەرٸپتەستەرٸ, تۋعان-تۋىستارى مەن جاقىندارىنىڭ جٷرەگٸندە مەڭگٸ ساقتالادى", – دەلٸنگەن قالا ەكٸمدٸگٸنٸڭ حابارلاماسىندا.
