Memleket basshysy ǵalymdardy marapattaý rásimine qatysty, – dep habarlaidy Dalanews.kz.
Basqosýda Táýelsizdiktiń alǵashqy jyldarynda ǵylymǵa basa mán berilmegeni, kóptegen ǵalym basqa salaǵa aýysyp ketkeni jaiynda aityldy.
Sonyń saldarynan Qazaqstandaǵy ǵylymi qyzmetkerlerdiń sany úsh ese azaiyp, bul ahýal ulttyń ziiatkerlik áleýetine orasan zor kesirin tigizgen.
Budan bólek Memleket basshysy ǵylym salasynda jemqorlyq deregi kóbeiip ketkenin de tilge tiek etti.
Máselen "Parasat" holdingin basqarǵan belgili akademik ony ábden tonap, keiin balalarymen birge AQSh-tyń azamattyǵyn alyp, muhittyń ar jaǵyna qashyp ketken.
Degenmen Prezident búginde jaǵdai ońalyp, ǵylym qaitadan tórge shyqqanyn atap ótti. Bul – memlekettiń naǵyz, adal ǵalymdarǵa senimi degen sóz.
"Memleket ǵylymdy damytý úshin naqty sharalar qabyldap jatyr. Men osydan úsh jyl buryn Ǵylym akademiiasyn jańǵyrtý týraly tapsyrma berdim. Sodan beri aýqymdy jumys jasalýda. Akademiiaǵa joǵary ǵylymi uiym mártebesi berildi. Infraqurylym júiesi jańartylyp jatyr. Kadr daiarlaý isi jolǵa qoiyldy. Byltyr qabyldanǵan «Ǵylym jáne tehnologiialyq saiasat týraly» zań osy úrdisterge tyń serpin berdi. Qujatta ǵylymdy basqarý tásilderi naqtylandy. Ǵalymdardy áleýmettik qoldaý sharalary aiqyndaldy. Bir sózben aitsaq, zańda ǵylym jolynda eńbek etip júrgen azamattardyń múddesi barynsha eskerildi", – dedi Qasym-Jomart Toqaev.
Ǵylym strategiialyq mańyzy bar sala bolǵandyqtan sońǵy jyldary bul baǵytqa bólinetin qarjy 3,5 ese artty, jas zertteýshilerge qoldaý kúsheidi. Memleket basshysynyń pikirinshe, osyndai qadamdar elimizdiń ǵylymi áleýetin arttyra túsedi.
Qazir Qazaqstanda 25 myńnan asa ǵalym bolsa, olardyń jartysy – 40 jasqa tolmaǵan mamandar. Bul elimizde ǵalymdardyń jańa býyny qalyptasyp kele jatqanyn kórsetedi.
