Oljas Bektenov RF Úkimeti tóraǵasynyń orynbasary – Úkimet Apparatynyń basshysy Dmitrii Grigorenkomen kezdesý ótkizdi, – dep habarlaidy Dalanews.kz.
Tsifrlandyrý jáne jasandy intellekt, investitsiialar, innovatsiialyq damý salasyndaǵy birqatar máseleler talqylandy.
Memleket basshylary deńgeiinde qol jetkizilgen ýaǵdalastyqtardy iske asyrý barysyna nazar aýdaryldy.
"Qazaqstan Prezidenti Qasym-Jomart Toqaev pen Resei prezidenti Vladimir Pýtinniń turaqty bailanystarynyń nátijesinde ekijaqty ózara is-qimyl deńgeii joǵary qarqynmen jalǵasyp jatyr. 2024 jyldyń qorytyndysy boiynsha ózara taýar ainalymynyń kólemi shamamen 3%-ǵa ósip, $27,8 mlrd boldy. Bul rette ári qarai saýda-ekonomikalyq jáne investitsiialyq yntymaqtastyq úshin aitarlyqtai áleýet bar", - dep jazylǵan habarlamada.
Kezdesýge qatysýshylar jasandy intellektini qoldanýshylardyń qarqyndy ósip kele jatqanyn aityp, tsifrlandyrý salasyndaǵy ekijaqty áriptestik qatynastardyń mańyzdylyǵyn atap ótti.
"Jańa tehnologiialardy engizý úderisterinde kúsh-jigerdi biriktirý innovatsiialardy damytýǵa, IT-kásipkerler men startap-jobalardy qoldaý sharalaryn qalyptastyrýǵa, bilikti mamandardy daiarlaýǵa, aqparattyq qaýipsizdik sharalaryn jetildirýge serpin beredi. Biyl Astanada Alem. ai. halyqaralyq jasandy intellekt ortalyǵynyń ashylýymen IT-mamandarǵa jańa múmkindikter paida bolady.
Jumys sapary aiasynda Dmitrii Grigorenko Qazaqstannyń jetekshi IT-alańdarynyń, sonyń ishinde Astana Hub tehnoparki jáne NU tehnoparkiniń qyzmetimen tanysady, onda búginde 1600-den astam IT-kompaniialar tirkelgen, olardyń 425-ine sheteldikter qatysyp jatyr", - dep jazylǵan habarlamada.
