Premer-ministr Oljas Bektenov Resei Federatsiiasy Úkimetiniń tóraǵasy Mihail Mishýstinmen kezdesti, dep habarlaidy Dalanews.kz.
Resei Federatsiiasyna resmi sapary barysynda Qazaqstan Respýblikasynyń Premer-ministri Oljas Bektenov pen Resei Federatsiiasy Úkimetiniń tóraǵasy Mihail Mishýstin arasynda ekijaqty kelissózder júrgizildi.
Eki memleket basshylary deńgeiinde qol jetkizilgen ýaǵdalastyqtardy is júzinde júzege asyrýǵa, onyń ishinde ózara taýar ainalymyn $30 mlrd-qa deiin arttyrýǵa nazar aýdaryldy. Kólik-tranzittik yntymaqtastyq, aýyl sharýashylyǵy, qorshaǵan ortany qorǵaý, energetika jáne gaz, ǵarysh salalaryndaǵy, sondai-aq mádeni-gýmanitarlyq bailanystardaǵy ózara is-qimyl máseleleri qaraldy.
Ótken jyly ekijaqty taýar ainalymy kólemi shamamen 3%-ǵa ósip, $27,8 mlrd-qa jetti. Biznes sýbektileri 45,4 myńǵa jýyq jumys ornyn ashý arqyly birlesip 171 jobany iske asyrady.
Ekijaqty yntymaqtastyqtyń mańyzdy baǵyttarynyń biri – agroónerkásip keshenindegi ózara is-qimyl. Ótken jyldyń qorytyndysyna sáikes, ekijaqty negizdegi ózara shekteýlerdi alyp tastaý nátijesinde saladaǵy taýar ainalymy 4,5%-ǵa ósip, $3,8 mlrd-ty qurady.
Kólik-tranzittik baǵytta ótken jyldyń qorytyndysy boiynsha «Soltústik – Ońtústik» halyqaralyq dáliziniń Shyǵys tarmaǵy boiynsha júk aǵynynyń kórsetkishteri 2,4 mln tonnaǵa deiin ósti.
Taraptar ózara saýdanyń oń dinamikasyn saqtaýdyń mańyzdylyǵyn atap ótti. Ekijaqty saýda ainalymyn arttyrýda jáne ózara is-qimyldyń keń aýqymdy máselelerin sheshýde Yntymaqtastyq jónindegi úkimetaralyq komissiianyń qyzmeti erekshe mańyzǵa ie.
Kelissózder qorytyndysy boiynsha ózara tiimdi saýda-ekonomikalyq yntymaqtastyqty nyǵaitý nietteri rastaldy.
