Oljas Bektenov Pavlodar oblysynda Prezidenttiń ónerkásipti damytý jónindegi tapsyrmalarynyń oryndalý barysymen tanysty, dep habarlaidy Dalanews.kz.
Premer-ministr Oljas Bektenov Pavlodar oblysyna jumys sapary aiasynda «KAZ Minerals Bozshakol» JShS jáne «Qazaqstannyń vagon jasaý kompaniiasy» JShS-ǵa baryp, kásiporyn ókilderimen kezdesti. Onda Memleket basshysynyń ónerkásipti damytý, otandyq taýar óndirýshilerdi qoldaý jáne tsifrlyq sheshimderdi engizý jónindegi tapsyrmalarynyń iske asyrylý barysy men sharalary talqylandy.
Premer-ministr «Bozshakól» mys kenishi alańynda tehnologiialyq úderistermen tanysty. Zaýyt jylyna 30 mln tonna ken óńdeidi. Ótken jyly 105 myń tonna mys óndirildi, sonymen qatar munda mys, altyn, kúmis jáne kontsentrattaǵy myrysh óndiriledi. Daiyn ónim Qytai, Túrkiia, Ózbekstan men Belgiiaǵa eksporttalady. Memleket basshysynyń bastamasymen qolǵa alynǵan Jumysshy mamandyqtary jyly aiasynda jas mamandar daiarlaýǵa erekshe kóńil bólinýde. Biyl kásiporyn aqyly taǵylymdamadan ótý úshin 200-den astam stýdent tartýdy josparlaa otyr. Búginde kompaniiada 14 myńnan astam jumys orny ashyldy.
Premer-ministrge óndiristik alańdarda zamanaýi tehnologiialardy engizý, onyń ishinde jasandy intellekt júielerin damytý boiynsha júrgizilip jatqan jumystar týraly aqparat berildi. Tolyq dispetcherleý kendi usaqtaýdan bastap kontsentrat shyǵarýǵa deiingi barlyq kezeńderdi qamtidy. Sondai-aq karerlerdi 3D modeldeý úshin óndiristik protsesterdi modeldeý júieleri men drondar qoldanylady. Bul jumystyń dáldigi men tiimdiligin edáýir jaqsartady.
«Elimiz óńdeý salasyna kóshý kerek, joǵary óńdelgen taýarlar óndirýdi arttyrý qajet. Memleket basshysy osyndai mindet qoiyp otyr. Salyq kodeksinde joǵary óńdelgen taýarlar óndiretinder salyqty az tóleitin qosymsha jeńildikter qarastyrylǵan. Bunyń barlyǵy óńdeý salasyn yntalandyrý úshin jasalyp jatqan qadamdar. Iaǵni, qarajat óz elimizde qalady degen sóz. Qazir kóptegen elder qazaqstandyq shikizat óńdeýdi damytýda. Ol ózimizge kerek. Onyń ústine “Qazaqmys” jáne “KAZ Minerals” siiaqty iri kásiporyndardyń investitsiia salýǵa múmkindigi bar», dep atap ótti Oljas Bektenov.
Premer-ministr Ekibastuzdaǵy «Qazaqstannyń vagon jasaý kompaniiasy» JShS aýmaǵynda ámbebap jartylai júk vagondaryn, jabyq vagondardy, vagon-platformalardy otandyq óndirýshiniń aǵymdaǵy óndiristik qýattarymen, sondai-aq júk tasymaly kóleminiń jyl saiynǵy ósýin eskere otyryp, kórsetkishterdi odan ári arttyrý josparlarymen tanysty.
«SMP Group» JShS bas direktory Erjan Qýanǵannyń aitýynsha, kásiporyn qurylǵaly beri 9 myńnan astam jartylai vagon, 26 platforma jáne 2 jabyq vagon shyǵarǵan. Óndiristik qýaty aiyna 100-den 240 vagonǵa deiin artty. Búginde 3 myń jartylai vagon jetkizýge jasalǵan kelisimshart merziminen buryn oryndaldy. Shart mamyr aiynda aiaqtalady dep josparlanǵan. Kólik-logistikalyq keshendi damytý tujyrymdamasyn iske asyrý sheńberinde ózara is-qimyl máselelerine nazar aýdaryldy.
«Bizdiń elimiz tranzit pen logistikada orasan zor ári tolyq ashylmaǵan áleýetke ie. Temirjol júiesi vagondardy jańartýdy qajet etedi. Sondyqtan biz kásiporyndardyń óndiristi keńeitý bastamalaryn qoldaimyz, dep atap ótti Premer-ministr jáne kólik, ulttyq ekonomika ministrlikterine, «QTJ» men «Báiterek» holdingine kásiporyndy qoldaý máselelerin pysyqtaýdy, onyń ishinde jartylai vagondar men jabyq vagondardy jetkizýge uzaq merzimdi offteik-kelisimsharttaryn jasasý múmkindigin qarastyrýdy tapsyrdy. Sonymen qatar, kásiporyn basshylyǵy jergilikti qamtý úlesin keeńeitý qajet, búginde ol 57%-dy quraidy.
— Eń bastysy – lokalizatsiialaýdy arttyrý. Ishki óndiristi odan ári yntalandyrý kerek».
