QR Premer-ministri Oljas Bektenov 2025 jylǵy 23 sáýirde Úkimet otyrysynda Energetika ministrine Jańaózende gaz óńdeý zaýytynyń (GÓZ) qurylys qarqynyna qatysty eskertý jasap, tapsyrma berdi, dep habarlaidy Dalanews.kz.
Oljas Bektenov qurylys jumystarynyń baiaý júrip jatqanyn atap ótti. Buǵan prezident de basa nazar aýdarǵan bolatyn. Ol gaz salasyndaǵy zańnamany tsifrlandyrý jáne jetildirý jónindegi negizgi bastamalar týraly baiandama jasaǵan Energetika ministri Erlan Aqkenjenovten osy másele boiynsha esep berýdi surady.
"Jańaózen qalasynda jańa gaz óńdeý zaýytyn salý jobasyn iske asyrý barysy bizdiń baqylaýymyzda. Búgingi tańda birinshi iske qosý kesheni boiynsha qurylys-montaj jumystary júrgizilýde. 24 sáýirde jobalyq jumystar aiaqtalady. Sodan keiin jumys jobasy shildede qorytyndy shyǵarý úshin memlekettik saraptamaǵa tapsyrylady", - dep jaýap berdi ministr.
Sondai-aq ol Qazaqstanǵa kelesi jylǵa deiin jetkiziletin jáne montajdalatyn jabdyqqa tapsyrys ornalastyryp qoiǵandaryn da jetkizdi. Bektenov ministrge bul máseleni jeke baqylaýǵa alýdy tapsyrdy.
