Almatydaǵy eń iri kóterme saýda oryndarynyń biri «Barys-4» bazarynda keshendi baqylaý sharalary júrgizildi, dep habarlaidy dalanews.kz.
Tekserýdi Qazaqstan Respýblikasy Saýda jáne integratsiia ministrliginiń Almaty qalasy boiynsha Saýda jáne tutynýshylardyń quqyǵyn qorǵaý departamenti Almatynyń Kásipkerlik jáne investitsiialar basqarmasymen, Memlekettik kirister departamentimen jáne azyq-túlik taýarlarynyń baǵa qalyptastyrý tizbegindegi deldaldyq shemalardy zertteý jónindegi óńirlik komissiianyń ózge de múshelerimen birlesip uiymdastyrdy.
Baqylaý barysynda áleýmettik mańyzy bar azyq-túlik taýarlaryna belgilengen saýda ústemesiniń saqtalýyna, baǵa belgileý tártibine, taýarlarda baǵa kórsetkishteriniń bolýyna jáne ónimsiz deldaldy anyqtaýǵa basymdyq berildi.
Sondai-aq, kásipkerlerge saýda salasyndaǵy zańnama talaptaryn saqtaý, baǵa kórsetkishterin durys rásimdeý jáne belgilengen saýda ústemesin qoldaný máselesi boiynsha túsindirý jumystary júrgizildi.
Tekserý nátijesinde zań talaptaryn buzǵan kásipkerler ákimshilik jaýapkershilikke tartyldy. Jalpy 1 025 ákimshilik hattama toltyryldy. Onyń ishinde 717-si taýar baǵasyn teńgemen kórsetpegeni úshin, al 308-i áleýmettik mańyzy bar azyq-túlik taýarlaryna belgilengen 15 paiyzdyq saýda ústemesin asyrǵany úshin rásimdeldi. Salynǵan aiyppuldardyń jalpy somasy 25 million teńgeden asty.
Budan bólek, óńirlik komissiianyń jumysy barysynda 18 ónimsiz deldal anyqtalyp, olardyń qyzmeti toqtatyldy.
Saýda salasyndaǵy zańnamanyń saqtalýyn baqylaý jáne áleýmettik mańyzy bar azyq-túlik taýarlary baǵasynyń negizsiz ósýine jol bermeý baǵytyndaǵy tekserý jumystary aldaǵy ýaqytta da jalǵasady.
