Oljas Bektenov bólshek saýdadaǵy dári-dármek baǵasynyń negizsiz ósýine jol bermeý sharalaryn qabyldaýdy tapsyrdy, dep habarlaidy Dalanews.kz.
Úkimet otyrysynyń qorytyndysy boiynsha Premer-ministr memlekettik organdar men ákimdikterge birqatar tapsyrma berdi.
Densaýlyq saqtaý ministrligi monopoliiaǵa qarsy organmen birlesip, bólshek saýdadaǵy dári-dármek baǵasynyń negizsiz ósýine jol bermeý sharalaryn qabyldasyn.
Sonymen qatar, Oljas Bektenov halyq tarapynan kelip túsetin aryz-shaǵymdarǵa jedel jaýap berýdi tapsyrdy
Densaýlyq saqtaý ministrligi Tsifrlandyrý ministrligimen birlesip, densaýlyq saqtaý júiesine jasandy intellektini engizý sharalaryn qabyldaýdy tapsyrdy.
Atap aitqanda, dári-dármek pen meditsinalyq buiymdardy josparlaý, taǵaiyndaý jáne satyp alý rásimderine qatysty. Sonymen qatar halyq tarapynan kelip túsetin aryz-shaǵymdarǵa jedel jaýap berý qajet.
Densaýlyq saqtaý ministrligine Mádeniet jáne aqparat ministrligimen, ákimdiktermen birlesip, dárilik zattarmen qamtamasyz etý týraly halyqpen turaqty negizde keń aýqymdy aqparattyq-túsindirý jumystaryn júrgizý tapsyryldy. Buqaralyq aqparat quraldaryn, tsifrlyq platformalar men áleýmettik jelilerdi jáne óńirlik is-sharalardy barynsha paidalaný kerek.
«Bizdiń mindetimiz – densaýlyq saqtaý salasyn barynsha ashyq, ádiletti jáne eń bastysy, árbir azamat úshin qoljetimdi etý»,- dep qorytyndylady sózin Premer-ministr Oljas Bektenov.
Úilestirý men baqylaý Premer-ministrdiń orynbasary Qanat Bozymbaevqa júkteldi.
