Oljas Bektenov ótkizý pýnktterin jańǵyrtý jónindegi Prezident tapsyrmalarynyń oryndalý barysy týraly jiyn ótkizdi, dep habarlaidy Dalanews.kz
Qarjy ministrligi málimetinshe, biylǵy josparda Eýraziialyq ekonomikalyq odaqtyń syrtqy shekaralaryndaǵy (QHR, Ózbekstan Respýblikasy, Túrikmenstan) 9 ótkizý beketin rekonstrýktsiialaý jumystary tur. Búgingi tańda olardyń 4-eýinde, iaǵni Qaplanbek, Atameken, Qaljat jáne Alakól beketterinde jumystar aiaqtaldy. Bes nysandy jańǵyrtý jumystary jyl sońyna deiin óz máresine jetpek.
"Jibek joly" jolaýshylar ótkizý beketin rekonstrýktsiialaý jospardan tys júrgizip jatyr, 2026 jyly birinshi jartyjyldyqta aiaqtalady dep kózdelip otyr.
Baiandamalardy tyńdaǵan premer-ministr keden qyzmetiniń, sondai-aq, Resei Federatsiiasy men Qyrǵyzstan Respýblikasy shekaralaryndaǵy avtomobil ótkizý beketterin jóndeý merzimderi keshiktirilýine bailanysty salalyq ministrlikter jumysyn synǵa aldy.
Oljas Bektenov QR Qarjy ministrligi Memlekettik kirister komiteti men QR Kólik ministrligi Avtomobil joldary komitetiniń tóraǵalaryn jumystaryn tiisti deńgeide uiymdastyrmaǵany úshin jaýapkershilikke tartýdy tapsyrdy.
Sonymen qatar, ministrlikterdiń jaýapty basshylary jergilikti jerlerde jumysty úilestirý úshin óńirlerge jiberildi. Keden qyzmetiniń kadr quramyna, ásirese, ótkizý beketterine qatysty talaptardy qatańdatý, sondai-aq, jabdyqpen jaraqtandyrý jáne internet jelisine qoljetimdilikti qamtamasyz etý máseleleri boiynsha mindetter qoiyldy.
Kólik, qarjy ministrlerine ótkizý pýnktterin rekonstrýktsiialaý barysy týraly premer-ministrge apta saiyn esep berý tapsyryldy.
