"Eger synypta vırýs juqtyrǵan oqýshy anyqtalatyn bolsa, onda oqýshylar onlaın rejımge aýystyrylady. Eger oqýshylar men muǵalimderdiń 20 paıyzy vırýs juqtyrsa karantın emes, mektep tolyǵymen jabylady. Oqýshylardyń jartysy oqyp, jartysy oqymasa karantın bolady", – dep túsindirdi Bekshın.
Qalanyń bas dárigeri jańa qaýlyda sıpattalǵan jekelegen stýdentterdi onlaın oqytýǵa aýystyrý erejelerin túsindirdi.
"Ata-analardan ótinishter kelip túsip jatyr. Olar sozylmaly aýrýmen aýyratyn balalaryn onlaın bilim berýge aýystyrýdy suraıdy. Kóptegen ata-ana osyndaı málimdeme jazady.
Eger bul medısınalyq qujattarmen rastalsa, olardyń balasynyń shynymen de sozylmaly aýrýlary bar jáne juqtyrý qaýpi joǵary ekeni naqtylansa, bala úıden oqýǵa aýystyrylady.
Sonymen qatar, eger synypta naýqas adam tabylsa, ınfeksıanyń tutastaı taralmaýy úshin barlyq synyp onlaınǵa aýystyrylady”, – dep qosty Bekshın.
Aıta ketelik, Almatyda koronavırýs boıynsha epıdemıologıalyq jaǵdaı áli de kúrdeli. Táýligine 1500- den asa jaǵdaı turaqty tirkelip otyr. Bul jaǵdaı 28 shildeden bastap jalǵasyp keledi. Tamyz aıynan búgingi kúnge deıin 24,3 myń jaǵdaı, jyl basynan beri 105,6 myń jaǵdaı tirkelgen.
https://dalanews.kz/news/66622-sottagy-zhengilis-mamayga-sabaq-boldy?fbclid=IwAR3i29V74hSLsrzti0lcMoWRwaKF8kPsw7rZzW9Yb9lNDoGhWvkGRkxUIXo
