Derttiń tómendegenine qaramastan, Almatyda epidemiologiialyq ahýal burynǵysynsha kúrdeli kúiinde qalýda. Sanitarlyq-epidemiologiialyq baqylaý departamenti basshysynyń málimetinshe, sońǵy aptada turǵyndar arasynda KVI-diń 1065 jaǵdaiy tirkelgen (bir apta buryn olar 1398 bolǵan), Ótken táýlikte – 146 jańa infektsiia. Qala eldegi epidemiologiialyq ahýaldy baǵalaý matritsasynyń sary aimaǵynda ornalasqan.
Jandarbek Bekshinniń aitýynsha, qalada koronavirýstyń taralýy jalǵasýda, al bul vaktsinalanbaǵan azamattar úshin erekshe qaýipti. Ol eresekterdi odan ári vaktsinalaý jáne 12 jastan asqan jasóspirimderge, júkti jáne bala emizetin áielderge ekpe salý arqyly ujymdyq immýnitetti 80%-ǵa deiin jetkizý qajettigin atap ótti.
– Eske salsaq, ujymdyq immýnitet – infektsiiany toqtatýdyń jáne halyqtyń boiynda dertke qarsy qabiletti qalyptastyrýdyń birden bir joly. Vaktsinatsiia jáne revaktsinatsiia infektsiianyń aldyn alady. Ázirge biz immýndyq qabattyń 56%-na jettik. Bul rette táýlik saiyn halyqtyń 0,1%-y ǵana vaktsinatsiialanady. Ujymdyq immýnitettiń osyndai qarqynymen kem degende 75%-ǵa biz kelesi jyldyń mamyr aiynda ǵana qol jetkizemiz. Taǵy da aita keteiin, vaktsinatsiiany keshiktirý óte qaýipti, – dep bólisti Bekshin.
Almatynyń bas sanitarlyq dárigeri vaktsinatsiia qarqynyn arttyrýmen qatar, qala turǵyndary revaktsinatsiiaǵa kelýi kerek ekenin atap ótti.
– Bul meditsinada múldem qalypty qubylys, óitkeni barlyq infektsiialar bir ret aýyrǵannan keiin turaqsyz immýnitet beredi. Kóptegen vaktsinalar úshin belgili bir ýaqyttan keiin qaita egý qajet, – dedi ol.
Qalada koronavirýsqa qarsy revaktsinatsiia 22 qarashadan bastalady.
– Revaktsinatsiia óte qajet. Bul ujymdyq immýnitetti qalyptastyrýǵa kómektesedi jáne virýstyń odan ári mýtatsiiasyna jol bermeidi, – deidi Bekshin. – Bizdiń baqylaýymyz boiynsha, vaktsinatsiialanǵan antidenelerdiń deńgeii ýaqyt óte kele, 6 aidan 9 aiǵa deiin tómendeidi, iaǵni aýrýdyń yqtimaldyǵy artady. Kóptegen elder qazirdiń ózinde revaktsinatsiia naýqandaryn belsendi júrgizýde. Býsterlik vaktsinany qart adamdarǵa qoldaný óte mańyzdy, óitkeni Almatyda 60 jastan asqan adamdar arasynda juqtyrýdyń 5 paiyzǵa jýyq óskeni baiqalady. Bul rette, mektep oqýshylaryn vaktsinatsiialaý da óte mańyzdy.
Almatylyq epidemiologtardyń málimetinshe, biyl qalada vaktsinanyń eki komponentimen egilgennen keiin 2680 naýqas tirkelgen, onyń ishinde 360 adam qaita aýyrǵan.
Saýda obektilerinde, qoǵamdyq kólikterde, bazarlarda juqtyrý qaýpi áli de joǵary. Bul anti-reitingke jumysta juqtyrý faktileri de kirdi, iaǵni infektsiianyń 9%-dan astamy jumys ornynyda juqqan.
Aita keterligi, Almatyda mektep oqýshylaryn, sondai-aq júkti áielder men laktatsiia kezinde áielderdi qalalyq emhanalarda vaktsinatsiialaý bastalady.
Ata-anasy balaǵa ekpe salýdan bas tartsa, ony Qazaqstan Respýblikasynyń Konstitýtsiiasynda kepildik berilgen densaýlyqty qorǵaý quqyǵynan aiyrady ári bala vaktsinalanbasa, ondan juqtyrýdyń aýyr túrine urynýy múmkin. Aita keterligi, vaktsinatsiialanǵan barlyq jasóspirimder, eresekter siiaqty, vaktsinatsiia pasportyn alady.
