Sot otyrysyna kelgen Bek Air kompaniiasynyń basshysy Nurlan Jumasultanov bul qurylysty zańsyz dep tanýdy qalaityndaryn aitty.
Qurylys zańsyz salynǵanyn rastasyn. Mine, bizdiń talabymyz osy. Bul suraqty (ótemaqy týraly - red.) keiinge qaldyraiyq, óitkeni sot tyńdalymy keiinge shegerildi, - dedi ol.
Óz kezeginde, apatqa ushyraǵan úidiń iesi Rishat Qalibek qarsy shaǵymmen sotqa júginetinin aitty.
Men olardyń talaptarymen kelispeimin, óitkeni men jer telimin zańdy túrde satyp aldym. Men de sotqa júginemin. Qazir osynyń jaiyn advokatpen talqylap jatyrmyn. Birinshiden, olar adam retinde meniń quqyǵymdy buzyp otyr. Ekinshiden, olar shyǵyndy tólemes úshin meni sotqa bergen. Men moraldyq jáne materialdyq shyǵyn ótetý úshin sotqa shaǵymdanamyn, - dedi Rishat Qalibek.
Onyń aitýynsha, ol áýekompaniiany sotqa bermegen, sebebi ol Talǵar aýdany ákimdigi kelgen zalaldy óteidi dep kútip otyrǵan. Alaida, eshkim oǵan zalal shyǵynyn tólemegen.
"Men advokattarmen sóilestim. Sodan uqqanym, olardyń maqsaty úidi zańsyz etý, sóitip meni qaita sotqa berip, 12 adamnyń ólimin meniń moinyma ilip jiberý. Olar shirigen ushaqtyń qulaýyna jaýap berýdiń ornyna, meniń úiimdi qiratady, onymen qoimai sotqa beredi", - dedi Qalibek.
