سوت وتىرىسىنا كەلگەن Bek Air كومپانياسىنىڭ باسشىسى نۇرلان جۇماسۇلتانوۆ بۇل قۇرىلىستى زاڭسىز دەپ تانۋدى قالايتىندارىن ايتتى.
قۇرىلىس زاڭسىز سالىنعانىن راستاسىن. مىنە، ءبىزدىڭ تالابىمىز وسى. بۇل سۇراقتى (وتەماقى تۋرالى - رەد.) كەيىنگە قالدىرايىق، ويتكەنى سوت تىڭدالىمى كەيىنگە شەگەرىلدى، - دەدى ول.
ءوز كەزەگىندە، اپاتقا ۇشىراعان ءۇيدىڭ يەسى ريشات قاليبەك قارسى شاعىممەن سوتقا جۇگىنەتىنىن ايتتى.
مەن ولاردىڭ تالاپتارىمەن كەلىسپەيمىن، ويتكەنى مەن جەر تەلىمىن زاڭدى تۇردە ساتىپ الدىم. مەن دە سوتقا جۇگىنەمىن. ءقازىر وسىنىڭ جايىن ادۆوكاتپەن تالقىلاپ جاتىرمىن. بىرىنشىدەن، ولار ادام رەتىندە مەنىڭ قۇقىعىمدى بۇزىپ وتىر. ەكىنشىدەن، ولار شىعىندى تولەمەس ءۇشىن مەنى سوتقا بەرگەن. مەن مورالدىق جانە ماتەريالدىق شىعىن وتەتۋ ءۇشىن سوتقا شاعىمدانامىن، - دەدى ريشات قاليبەك.
ونىڭ ايتۋىنشا، ول اۋەكومپانيانى سوتقا بەرمەگەن، سەبەبى ول تالعار اۋدانى اكىمدىگى كەلگەن زالالدى وتەيدى دەپ كۇتىپ وتىرعان. الايدا، ەشكىم وعان زالال شىعىنىن تولەمەگەن.
"مەن ادۆوكاتتارمەن سويلەستىم. سودان ۇققانىم، ولاردىڭ ماقساتى ءۇيدى زاڭسىز ەتۋ، ءسويتىپ مەنى قايتا سوتقا بەرىپ، 12 ادامنىڭ ءولىمىن مەنىڭ موينىما ءىلىپ جىبەرۋ. ولار شىرىگەن ۇشاقتىڭ قۇلاۋىنا جاۋاپ بەرۋدىڭ ورنىنا، مەنىڭ ءۇيىمدى قيراتادى، ونىمەن قويماي سوتقا بەرەدى"، - دەدى قاليبەك.
