Bek Air apatyna qatysty sot úkimi ózgerissiz qaldy, dep habarlaıdy Dalanews.kz.
2019 jyly Almaty qalasynda Bek Air áýe kompanıasynyń Fokker 100 ushaǵy Astana baǵytyna ushyp bara jatyp apatqa ushyrady. Ushaq áýege kóterilgennen keıin kóp uzamaı bıiktigin joǵaltyp, áýejaı mańyndaǵy qorshaýdy buzyp ótip, turǵyn úıge soǵylǵan. Bortta bolǵan 98 adamnyń 12-si qaza tapty.
2025 jyldyń qarashasynda sot ushqyshtardy áýe qaýipsizdigi erejelerin buzǵany úshin kináli dep tanyǵanymen, jaza taǵaıyndaǵan joq. Sebebi eki ushqysh ta apat saldarynan qaza bolǵan.
Memleket sot shyǵyndaryn óteý úshin 1,7 mln teńge tóleıdi. Áýe kompanıasynyń múlkine salynǵan tyıym saqtalady, azamattyq talap-aryzdardyń jalpy somasy 4,8 mlrd teńgeni quraıdy. Apelásıalyq sot birinshi satydaǵy sheshimdi ózgerissiz qaldyrdy.
