Bek Air اپاتىنا قاتىستى سوت ٷكٸمٸ ٶزگەرٸسسٸز قالدى, دەپ حابارلايدى Dalanews.kz.
2019 جىلى الماتى قالاسىندا Bek Air ەۋە كومپانيياسىنىڭ Fokker 100 ۇشاعى استانا باعىتىنا ۇشىپ بارا جاتىپ اپاتقا ۇشىرادى. ۇشاق ەۋەگە كٶتەرٸلگەننەن كەيٸن كٶپ ۇزاماي بيٸكتٸگٸن جوعالتىپ, ەۋەجاي ماڭىنداعى قورشاۋدى بۇزىپ ٶتٸپ, تۇرعىن ٷيگە سوعىلعان. بورتتا بولعان 98 ادامنىڭ 12-سٸ قازا تاپتى.
2025 جىلدىڭ قاراشاسىندا سوت ۇشقىشتاردى ەۋە قاۋٸپسٸزدٸگٸ ەرەجەلەرٸن بۇزعانى ٷشٸن كٸنەلٸ دەپ تانىعانىمەن, جازا تاعايىنداعان جوق. سەبەبٸ ەكٸ ۇشقىش تا اپات سالدارىنان قازا بولعان.
مەملەكەت سوت شىعىندارىن ٶتەۋ ٷشٸن 1,7 ملن تەڭگە تٶلەيدٸ. ەۋە كومپانيياسىنىڭ مٷلكٸنە سالىنعان تىيىم ساقتالادى, ازاماتتىق تالاپ-ارىزداردىڭ جالپى سوماسى 4,8 ملرد تەڭگەنٸ قۇرايدى. اپەللياتسييالىق سوت بٸرٸنشٸ ساتىداعى شەشٸمدٸ ٶزگەرٸسسٸز قالدىردى.
