"Báıterek" UBH "Aqmolaagro-1" JSHS-nyń 49% úlesin ıelendi. Menshik úlesine qatysty ózgeris 2024 jylǵy 22 qarashada engizilgen, dep habarlaıdy Dalanews.kz.
Bul týraly KASE-degi holdıń habarlamasynda aıtylady.
"Aqmolaagro-1" JSHS Aqmola oblysynyń Zaporoje aýylynda ornalasqan, 2020 jyldyń mamyr aıynda tirkelgen. Negizgi qyzmeti – tuqym sharýashylyǵyn qosa alǵanda, dándi jáne dándi-burshaqty daqyldardy ósirý. 2024 jylǵa kompanıa salyq aýdarymdaryn jasamaǵan, 2023 jyly, ashyq derekkózderdegi málimetke sáıkes, bir jyl burynǵyǵa qaraǵanda 60%-ǵa az kólemde salyq tólegen (2023 jyly - 180 myń teńgeden sál az, 2022 jyly - 450 myń teńge).
"Báıterek" UBH mynadaı uıymdarda 10 jáne odan da kóp úleske ıe: QDB (qorǵa 100% tıesili), Qazaqstan Investment Corporation (100%), Otbasy banki (100%), Qazaqstandyq turǵyn úı kompanıasy (100%), "Damý"qQory (100%), Qazaqstannyń eksporttyq-kredıttik agenttigi (100%)% ), Agrarlyq nesıe korporasıasy (100%) jáne "Amanat jer 2020" JSHS (49%).
Buǵan deıin 2024 jyldyń qorytyndysy boıynsha "QazMunaıGaz" ulttyq kompanıasy óz aksıonerlerine 350 mlrd teńgeniń dıvıdendterin tóleýdi josparlap otyrǵanyn jazǵan bolatynbyz. IPO-ǵa shyqqan sátten kompanıanyń bir aksıasynyń quny 8,4 myń teńgeden 13,4 myń teńgege deıin ósken.
