Qazaqstannyń BAYTAQ jasyldar partiiasynyń tóraǵasy Azamathan Ámirtaev elde AES salý máselesine bailanysty qazaqstandyqtarǵa úndeý jasady, dep habarlaidy Dalanews.kz.
Ámirtaev úndeýdi Youtube arnasynda jariialap, bul bastamany qoldaitynyn jetkizdi.
"Qazirgi tańda elimizde atom elektr stantsiiasyn salý jóninde talqylaý júrip jatyr. Árine, ártúrli oi-pikir aitylýda. Osyǵan bailanysty biz BAYTAQ jasyldar partiiasynyń maqsaty – elimizde taza aýany, taza jerdi, taza sýdy qamtamasyz etý, ekologiialyq taza óndiristi qalyptastyrý. Osy baǵytta bizdiń partiiamyz jumys istep jatyr. Sol sebepti AES salý máselesinde oiymyzdy ashyq aityp, sizge shyndyqty sizge jetkizýimiz kerek.
Álemde taza jasyl energiia kózi – atom energiiasy bolyp sanalady. Ótken jyly Dýbaida klimatqa bailanysty úlken sammit ótti. Sol sammitke biz qatystyq. Damyǵan elder – Eýropa elderi, AQSh, Ońtústik Koreia, Japoniia, ekonomikasy myqty damyǵan taǵy da basqa elder bir daýyspen “HHI ǵasyrda atom energiiasy – eń basty energiia” dep aityp jatyr. Sebebi klimatty turaqty ustap qalý, qorshaǵan ortany qorǵaý – ony tek AES qana qamtamasyz ete alady degen oidy aitty", – deidi ol.
Azamathan Ámirtaevtyń sózinshe, AES energiiasy ekologiialyq taza energiia, al kómir otyny energiiasynyń aýaǵa shyǵaratyn qaldyǵy úlken ekenin atap ótti.
"Temirtaý, Balqash, Almaty, Astana siiaqty qalalarda demalatyn aýa joq. Biz atom elektr stantsiiasynyń energiiasy taza, jasyl energiia dep sanaimyz. Sol sebepti halyqqa osyny jetkizgimiz keledi. Halyq osyny túsinýi kerek. AES – ǵylymnyń jetistigi. Bul ǵylymdy damytýymyz kerek. Atom jlektr stantsiiasy arqyly osy baǵytaǵy barlyq ǵylymi institýttardy damytýymyz kerek. Álemdegi ýran shyǵaratyn eń úlken memleketpiz deimiz. Biraq ony biz shikizat retinde ǵana satyp jatyrmyz. Ony óńdep, energiia alyp, sol energiiany jaqyn elderge eksportqa shyǵarsaq biýdjetke qanshama túsim bolady.
Bul shyndyqty halyqqa jetkizý – bizdiń partiiamyzdyń boryshy. Bul energiia kózi bizge jaqyn. Kúzde referendým ótedi. Sol referendýmde halqymyz durys tańdaý jasaýy kerek. Osy baǵytta árbir sózimizdi, dálel, dáiekterimizdi halyqqa jetkizýge daiynbyz", – deidi Ámirtaev.
