Almatyda «Jas Qanat. Balalar-2024» atty ekinshi respýblikalyq balalar shyǵarmashylyǵy baiqaýy ótti. «Aziia Daýysy» halyqaralyq festivaliniń Qoǵamdyq qory ujymy qala ákimdigine balalar baiqaýyn ońtústik astanada ótkizý ideiasyna qoldaý kórsetkeni úshin alǵys bildirdi.
Aita keteiik, bul baiqaý – áleýmettik joba. Kórermenderge arnalǵan biletter de, qatysýshylar úshin de baiqaýǵa qatysý tegin boldy. Biyl konkýrsqa Qazaqstannyń túkpir-túkpirinen daryndy balalardan 130 ótinim kelip túsken. Solardyń ishinen 17 úmitker finalǵa ótti. Al kórermenderge finalister ónerin tamashalar aldynda olarmen aldyn ala Instagram jelisindegi @zhas.qanat.official jáne @voice_of_asia_official paraqshalary arqyly tanysý múmkindigi berildi. Sonymen qatar, osy platformalarda kórermender arasynda daýys berý uiymdastyryldy.
Biylǵy baiqaýǵa qatysýshylar deńgeii óte joǵary bolǵandyqtan kásibi qazylar alqasy jeńimpazdy anyqtaý barysynda biraz qinaldy. «Jas Qanat. Balalar-2024» baiqaýynyń qazylar quramynda elimizdiń ataqty óner juldyzdary Qazaqstan Respýblikasynyń eńbek sińirgen qairatkerleri Nurlan Abdýllin, Aigúl Babaeva jáne Jámilá Serkebaeva, kompozitor Artyq Toqsanbai, ánshi, prodiýser, «Jas Qanat» baiqaýynyń 2000 jylǵy laýreaty Nurgúl Nuǵymanova, estrada juldyzy Parviz Nazarov jáne Qazaqstan Respýblikasynyń eńbek sińirgen ártisi, Qazaqstan kompozitorlar odaǵynyń múshesi Medeý Arynbaev bar.
Zaldaǵy atmosfera erekshe sezildi. Qatysýshylardy qoldaýǵa olardyń dostary, týystary men arnaiy qoldaý toptary keldi. Sonymen baiqaýdyń nátijesi boiynsha úshinshi orynǵa Qaraǵandy qalasynan kelgen 13 jastaǵy Ansar Abdýrahman ie boldy. Al ekinshi oryndy 13 jasar almatylyq Sofiia Balǵazina jeńip aldy. Birinshi oryn Taldyqorǵan qalasynan kelgen 12 jastaǵy Injý Esimjanǵa buiyrdy. Ony mamandar qazirdiń ózinde bolashaq Bibigúl Tólegenova dep atap otyr. Al «Jas Qanat. Balalar-2024» baiqaýynyń Bas júldesin Almaty qalasynyń turǵyny, 13 jastaǵy Azat Súndetbek jeńip aldy.
Sondaiaq baiqaý aiasynda birneshe arnaiy nominatsiialardyń jeńimpazdary men diplomanttary anyqtaldy. «Úmit» arnaiy júldesi almatylyq Qýanysh Baimuhambetovke tabystaldy. Ulttyq dástúrlerdi saqtaǵany úshin «Aziia Daýysy» qorynyń arnaiy syilyǵyn Almaty turǵyny Hanshaiym Pyshan ielendi. Daryndy shyǵarmashylyǵy men avtorlyq ándi úzdik oryndaǵany úshin David Charlin de marapattaldy. Ol baiqaý barysynda óz týyndysyn oryndady. Instagram arqyly daýys berý nátijesinde Qaraǵandydan kelgen Ansar Abdýrahman «Kórermender kózaiymy» júldesin aldy. Almaty qalasynyń ákimi atynan arnaiy syilyq qaraǵandylyq Ajar Ábdishevaǵa berildi. Bul syilyqqa 200 myń teńge kóleminde aqshalai syiaqy qosyldy. Erekshe diplomdarmen Ajar Ábdisheva (Qaraǵandy), Mádi Nurbotaly (Almaty) jáne Qaýsar Bekbosyn (Shymkent) marapattaldy. Erekshe ataqtarǵa ie bolǵan barlyq diplomanttarǵa 50 myń teńgeden syiaqy berildi.
Qazylar alqasy músheleri de nazardan tys qalǵan joq. Medeý Arynbaevqa otandyq mádenietti damytýǵa qosqan úlesi úshin Murat Irǵaliev pen Aleksandr Ponomarev atyndaǵy arnaiy júlde tabystaldy.
«Jas Qanat. Balalar-2024» tek án baiqaýy ǵana emes, balalar shyǵarmashylyǵynyń merekesi! Baiqaý aiasynda jas mobilograftardyń konkýrsy ótti. Olardyń jumystaryn @zhas.qanat.official resmi paraqshasynan kórýge bolady. Baiqaý jeńimpazdary TECNO mobile kompaniiasynyń syilyqtaryn – jańa smartfondar men firmalyq merchterdi aldy. Jeńimpazdar: 1 oryn – Nurai Beken (Taldyqorǵan), 2 oryn – Abzal Beisembaev (Qaraǵandy), 3 oryn – Kerbez Toqtarbai (Jarkent). Sonymen qatar, «Jas Qanat. Balalar-2024» aiasynda dástúrli «Balalar «Jas Qanat» pen «Aziia Daýysy» sýretterin salady» konkýrsy uiymdastyryldy. Bul baiqaýdyń jeńimpazdaryn dizainerler, sýretshiler, illiýstratorlar men animatorlardan quralǵan kásibi qazylar alqasy anyqtady. Qazylar alqasynyń turaqty tóraiymy – «By ArT» stýdiiasynyń negizin qalaýshy jáne Almatydaǵy balalardy damytý ortalyǵynyń jetekshisi Ajar Tóleýbaeva. Baiqaýǵa elimizdiń túkpir-túkpirinen 206 jumys qatysyp, onyń 126-sy finalǵa ótti. Nátijesinde 3 laýreat jáne 11 nominatsiia boiynsha jeńimpazdar anyqtaldy. Jumystar shyǵarmashylyq oilaý, ózindik erekshelik, tús qanyqtyǵy, oryndalý sheberligi men ulttyq koloritti beineleý siiaqty kriteriiler boiynsha baǵalandy. 1 dárejeli laýreat – pavlodarlyq Taisiia Cherevko, 2 dárejeli laýreat – Oraldan kelgen Arýjan Bisenova, 3 dárejeli laýreat – almatylyq Anisa Farrah. Barlyq diplomanttar men júldegerler demeýshilerdiń syilyqtary men diplomdaryn ielendi. Úzdik jumystardy Almaty qalasyndaǵy Qazaqstan Respýblikasynyń Ulttyq kitaphanasynyń foiesinde jyldyń sońyna deiin kórýge bolady.
Erekshe atap óterligi, biylǵy sýret baiqaýyna alǵash ret demeýshi tabyldy. D&D beauty and Cosmetology stýdiiasynyń negizin qalaýshy Dáýren Aiapov laýreattardyń Almatyǵa jáne keri baǵyttaǵy jol shyǵyndaryn tolyqtai ótep, baiqaýǵa qarjylai qoldaý kórsetti. Tolyq aqparat @zhas.qanat.official paraqshasynda.
«Jas Qanat» jas oryndaýshylardyń 30 jyldyq mereitoilyq baiqaýy týraly aqparat keiinirek beriledi. Qoǵamdyq qordyń prezidenti, «Aziia Daýysy» Halyqaralyq festivaliniń jetekshisi Irina Kovyriakonyń aitýynsha, bul baiqaý mindetti túrde ótpek.
