Ótken jyldyń qazan aiynda Taraz qalasynda Almaty oblysynyń úsh turǵyny Jambyl oblysynyń 19 jastaǵy turǵynyn nekege turýǵa májbúrleý maqsatynda alyp qashqan, dep habarlaidy dalanews.kz.
Atalǵan fakti boiynsha Taraz qalasy Áýlieata aýdanynyń politsiia bólimi QRQK-niń 125-1-baby 2-bóliginiń 1) jáne 4) tarmaqtary boiynsha sotqa deiingi tergep-tekserýdi bastaǵan.
Tergeý barysynda jábirlenýshiniń bes jyldan astam ýaqyt boiy alyp qashýdy uiymdastyrǵan azamatpen jaqyn qarym-qatynasta bolǵany, alaida oǵan turmysqa shyǵýdan bas tartqany anyqtaldy. Qyzdyń birneshe márte bas tartýyna qaramastan, er adam ony alyp qashýdy uiymdastyrýǵa sheshim qabyldap, qylmysty jasaýǵa tanystaryn tartqan.
Osylaisha, aldyn ala sóz bailasqan adamdar toby bolyp áreket etken úsh kúdikti kúsh qoldanyp, kúndizgi ýaqytta jábirlenýshini alyp ketken.
Sot talqylaýy barysynda aiyptalýshylardyń kinási tolyq dáleldendi. Taraz qalasynyń №2 sotynyń 2026 jylǵy 4 mamyrdaǵy úkimimen olar adamdy nekege turýǵa májbúrleý maqsatynda alyp qashqany úshin kináli dep tanyldy.
QR QK-niń 63-baby qoldanylyp, úsh sottalýshynyń árqaisysyna úsh jyl merzimge bas bostandyǵynan aiyrý jazasy taǵaiyndaldy.
