Báidibektiń Jambyl aýlyna gaz berildi
«Táýelsizdigimiz týyn tikken jyldardan beri elimizde, onyń ishinde bizdiń aýdanda kóptegen aýqymdy jumystar qolǵa alynyp, el igiligine paidalanýǵa berilip jatyr. Sonyń bir parasy búgin Jambyl aýylynda júzege asýda. Búgin mine qýanyshty jaǵdaidyń kýási bolyp otyrmyz. Aýylǵa kógildir otyn berilip jatyr. Bul – Táýelsizdiktiń tartýy», – dedi.
Kógildir otynǵa qol jetkizgen Jambyl aýylynyń turǵyndary endi kómir tasyp, kúl shyǵarmaityn boldy dep, júrekjardy tilegin jetkizgen aýdannyń Qurmetti azamaty, eńbek ardageri Ábdihalyq Aǵabekov el turǵyndary atynan alǵysy men rizashylyǵyn bildirdi.
Jambyl aýyly buǵan deiin gazdandyrylmaǵan bolatyn. Endi eldi meken turǵyndaryn kógildir otynmen qamtamasyz etýge qatysty týyndaǵan suraqtary tolyǵymen sheshimin taýyp otyr.
Aita keterlik jait, aýdanda 2015 jyly «Beineý-Shymkent» magistraldy gaz qubyrynyń qurylysy júrgizilip, qarasha aiynda kógildir otynnyń alaýy jaǵylyp, aýdan ortalyǵyna gaz berilgen bolatyn. Oblys qazynasynan arnaiy qarjy bólinip, 2017-2018 jyldary aralyǵynda aýdandaǵy 8 eldi mekenge gaz qubyrynyń qurylysy júrgizildi. 8 eldi mekenniń 3-i Jambyl aýyldyq okrýgine qarasty aýyldar. Qazirgi tańda gaz okrýg ortalyǵyna berilse, qalǵan 2 eldi mekende jaqyn kúnde kezek-kezeńimen qosylǵaly otyr.
Sonymen qatar qazirgi tańda aýdandaǵy 7 eldi mekende gaz qubyrynyń qurylysy júrgizilýde.
Túrkistan oblysy ákiminiń baspasóz qyzmeti
