Túrkistan oblysy ákiminiń orynbasary Beisenbai Tájibaev Báidibek aýdanyna is-saparmen bardy, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Birqatar áleýmettik jáne týristik nysandy aralap, jai-kúiin baqylady. Báidibek aýdanynyń ákimi Erlan Nurmahanov týrizm, bilim jáne densaýlyq salalarynda atqarylyp jatqan sharalardy tanystyrdy. «Taza Qazaqstan» respýblikalyq ekologiialyq aktsiiasynyń oryndalý barysy baiandaldy. Turǵyndarmen jeke qabyldaý ótip, máseleler qaraldy.
Áýeli «Báidibek ata» jáne «Qos ana» kesenelerine bardy. «Qos ana» kesenesiniń syrtyn syrlaý jáne tólqujatyn jańartýdy eskertti. Aýmaǵyndaǵy eski mazardyń qyshtaryn rettep qorshaý jáne arheologiialyq zertteýge usynys berýdi mindettedi. Sondai-aq jastarmen birge Báidibek ata kesenesiniń aýlasyna shyrsha kóshetin otyrǵyzdy.
Is-saparda balalar lageriniń jumysy zerdelendi. Báidibek ata eldi mekeninde ornalasqan «Taý shyńy» balalar lageri 2012 jyly paidalanýǵa berilgen. Maýsymdyq kezeńde 1200 bala demalady. Bir aýysymda 150 balaǵa deiin qabyldai alady. Beisenbai Dáýletuly tozyǵy jetken lagerdiń ǵimarattaryna biyl aǵymdaǵy jóndeý jumystaryn sapaly júrgizýdi qadaǵalap, internet jelisin tartý týraly tapsyrma berdi.
Is-saparda oblys ákiminiń orynbasary qurylysy júrgizilip jatqan jáne kúrdeli jóndeýdi qajet etetin mektepterdiń ahýalyn kórdi. «Jaily mektep» ulttyq jobasy aiasynda 2023 jyly aýdan ortalyǵynda 300 oryndyq bilim oshaǵynyń qurylysy bastalǵan. Irgetasy quiylyp, óndiristik kestege sáikes jumys iske asýda. 2024 jyly qoldanysqa berý josparlanýda. Jaýaptylar men sala mamandaryna qurylysty qadaǵalaý, sapaly ári ýaqtyly aiaqtaýdy júkteldi.
Jaryqbas aýylyndaǵy L.Óteshov atyndaǵy mektep oqýshylarǵa 2011 jyly esigin ashqan. Qazirgi tańda shatyry men ishki bólmeleri eskirgen. Oblystyq jaýapty basqarma men aýdandyq bólimge qaita jasalǵan jobalyq-smetalyq qujattamasyn qarjylandyrýǵa usynys berý tapsyryldy.
Aqbastaý aýylyndaǵy Sh.Ýálihanov mektebiniń jobalyq-smetalyq qujattamasy ázirlenip, qarjysy bólingen. 1200 oryndyq bilim uiasyna osy jyly jóndeý jumystary bastalady. Oblys basshylyǵy mekteptiń tótenshe jaǵdai kezinde shyǵýǵa arnalǵan baspaldaqtyń tóbe qalqasyn ornatý, qasbetin árleý jáne sanitarlyq tazalaý jumystaryn júrgizý kerektigin alǵa tartty.
Oblys ákiminiń orynbasary biyl jańadan salynatyn Jaryqbas eldi mekenindegi dárigerlik amýblatoriiasynyń tiisti qujattaryn rásimdeýdi tapsyrdy. Nysanǵa jer telimi rásimdelgen.
