Jańa jobanyń qurylysy Aqbastaý aýyldyq okrýgi aýmaǵynan ótetin Bógen ózeni boiynan júrgiziledi. Túrkistan oblysynyń ákimi Ómirzaq Shókeev Báidibek aýdanyna barǵan jumys saparynda «Sarqyrama» sý qoimasy salynatyn orynǵa baryp, mańyzdy máseleni sala mamandarymen birge talqylady. Oblys basshysy sý qoimasynyń syiymdylyǵyn 50 mln tekshe ulǵaitýdy usyndy.
Túrkistan oblysynyń ákimi Báidibek aýdanyndaǵy birqatar nysandy aralap, qariialarymen kezdesti. Sapar barysynda Myńbulaq aýyl okrýgine qarasty Qosbulaq aýylynda jańadan boi kótergen 150 oryndyq mektepte boldy. Zaman talabyna sai salynǵan nysan, biylǵy jyldyń tamyz aiynda el igiligine beriledi dep kútilýde. Jańa mekteptiń qurylysy eki jyl buryn bastalǵan. 150 oryndyq mektepte balalardyń jan-jaqty oqyp-jetilýi úshin barlyq jaǵdai jasalynatyn bolady.
Aýdanǵa jumys saparymen barǵan aimaq basshysy Myńbulaq eldi mekenindegi tabiǵi gaz júiesiniń qazirgi jaǵdaiyn jáne gaz qubyrlaryn júrgizý josparlarymen tanysty. Búgingi tańda aýdan aýmaǵynda ornalasqan 10 eldi meken tabiǵi gazben qamtylǵan. Sondai-aq, biyl qurylysy júrgizilip jatqan 7 eldi meken tabiǵi gazben qamtylady dep josparlanyp otyr.
Myńbulaq eldi mekenine 2019 jyldan beri gaz qubyrynyń qurylysy júrgizilýde.
