Baibektiń zańgeri: «Mamaidyń sotqa usynǵan dáleli jai ǵana «makýlatýra»
Onyń aitýynsha, belsendiniń dálel dep ákelgen qujattar áleýmettik jelidegi jazbalar men maqalalardan, anonimdi resýrstarǵa siltemelerden turady.
2 myń betke jýyq qujattardyń 1268 beti QazUÝ-dyń jerine bailanysty eken. Al, onyń videomaterialda kótergen jer telimi odan 1,5 shaqyrym qashyqta ornalasqan «Essentay City» turǵyn úi kesheni ornalasqan jer.
«Jaýaptaǵy 7 tarmaqtyń úsheýi boiynsha múldem aqparat joq, iaǵni dáleli joq ekenin ózderi de moiyndap otyr. Al, qalǵany jai ǵana makýlatýra» dedi A.Táshenova.
Onyń sózinshe, erli-zaiypty ekeý eshqandai dáleli bolmasa da Baýyrjan Baibekti Almaty ákimi kezinde jemqorlyqpen ainalysqan, zańsyz túrde milliard dollarǵa baiyǵan jáne óziniń biznes-imperiiasyn qurǵan dep aiyptaǵan.
