Baibektiń zańgeri: «Mamai men Imanbaevany «dálelderin» kópshilik aldynda talqylaýǵa shaqyramyn»
Onyń aitýynsha, 2 sot instantsiiasynda da jaýapkerlerdiń barlyq málimdemeleriniń negizsiz jáne jalǵan ekeni dáleldengen. Al jaýapkerler sotqa ózderiniń ustanymyn rastaityn birde-bir dálel keltire almaǵan.
Endi zań boiynsha Mamai men Imanbaeva ózderiniń áleýmettik jelilerinen jáne Youtube-arnasynan beinematerialdardy joiyp, sol jerde ózderiniń jala jabý málimdemelerin teriske shyǵarýy tiis. Buǵan qaramastan, sottyń zańdy sheshimin oryndaýdyń ornyna Mamai qoǵamdyq pikirdi burmalap, taǵy da shý shyǵaryp, destrýktivti aktsiialar uiymdastyryp jatqanyn alǵa tartty Táshenova.
– Osyǵan bailanysty Mamai men Imanbaevaǵa tikelei efirde 2 myń paraqtan turatyn búkil dálelsymaǵyn birge qarastyrýdy usynamyn. Eger olar ózderiniń durystyǵyna senimdi bolsa, onda ony kópshilik aldynda dáleldesin.
Men sondai-aq kezinde jaýapkerler jaryqqa shyqpaǵan saraptamasyna súiengen zańger Baqytjan Bazarbekti de shaqyramyn. Tolyq obektivtilik úshin múddeli emes tarap retinde áreket etetin barlyq áleýmettik jeli paidalanýshylaryna da osyǵan qatysýdy usynamyn.
Men ashyq jáne konstrýktivti áńgime barysynda naqty faktilerge súiene otyryp, barsha dúdámal jáitterge núkte qoiǵym keledi. Bizdiń kezdesýge qatysýshylardyń árqaisysy áleýmettik jelilerde óz transliatsiiasyn júrgizsin, – dedi zańger.
Sonymen qatar, Táshenova 2021 jylǵy 31 tamyzda saǵat 12.00-de Nur-Sultan qalasyndaǵy keńsesinde kezdesýge usynys bildirdi. Jiynǵa qatysý úshin óziniń telefon nómirin de qaldyrǵan.
