Saltanatty is-sharany ashqan «Nur Otan» partiiasy Tóraǵasynyń Birinshi orynbasary Baýyrjan Baibek Táýelsizdiktiń 30 jylyndaǵy elimizdiń jetistikterin zerdeleýge, sol arqyly jas qalamgerlerge jol ashýǵa baǵyttalǵan «Uly dala» baiqaýynyń mańyzy erekshe ekenin atap ótti.
«30-jyldyq damýdy jeti aýyz sózben túiindep, jas urpaqqa «Eldiktiń jeti tuǵyryn» anyqtap bergen Elbasy, «Nur Otan» partiiasynyń Tóraǵasy Nursultan Ábishuly Nazarbaevtyń «Ulttyq mádeniet – halyqtyń rýhani tiregi» dep atap kórsetýi tegin emes. Kez kelgen memlekettiń órkendeýi – sol qoǵamnyń rýhani-mádeni deńgeiine bailanysty. Elbasy aitqandai, biz álemdegi 200-ge tarta ultty tek ulttyq mádenietimizben, ádebietimizben, rýhaniiatymyzben ǵana tańqaldyra alamyz. Osy oraida «Nur Otan» partiiasy qazaqtyń óneri men mádenietin barynsha qoldap, jan-jaqty qamqorlyq jasap keledi», - dedi Baýyrjan Baibek.
Onyń aitýynsha, partiianyń 2025 jylǵa deiingi sailaýaldy baǵdarlamasy aiasynda elimizde 259 mádeniet oshaǵyn salý, 1241 mádeni nysandy jóndeý, 150 nysanda ǵylymi restavratsiia jumystary josparlansa, biyldyń ózinde 200-ge jýyq mádeniet nysanyna jóndeý júrgizilgen. Sondai-aq, ol osy jyldyń taǵy bir jańalyǵy retinde barlyq mádeni-ádebi sharalardy keshendi túrde atqarý úshin «Ulttyq mura» partiialyq jobasy bekitilgenin jetkizdi. Onyń aiasynda aitys, múshaira, jyr-terme, shyǵarmashylyq baiqaý siiaqty 250-dei is-shara ótkizý josparlanǵan. Al jyl basynan beri partiianyń qoldaýymen 49 aqyndar aitysy ótkizildi.
Partiia Tóraǵasynyń birinshi orynbasary «Nur Otan» janynan qurylǵan «Miras» keńesteriniń jumysyna toqtaldy. Biyl Keńes músheleri otandyq kinematografiiany damytý, mádeni oshaqtardy qalpyna keltirý, tarihi muralardy saqtaý siiaqty taqyryptar aiasynda kóptegen ózekti máselelerdi kótergen.
Baýyrjan Baibek partiia ótkizgen praimerizge 350-den asa qalamger, pýblitsist, aitysker, jýrnalist qatysqanyn aita kele, eldiń damýyna, qoǵamnyń ósýine baǵyttalǵan eńbekteri men azamattyq belsendilikteri úshin barsha qalamger qaýymǵa rizashylyǵyn bildirdi.
«Uly dala» baiqaýyna 2021 jylǵy 1 qazan men 30 qarasha aralyǵynda elimizdiń túkpir-túkpirindegi 18 ben 40 jas aralyǵyndaǵy qalamgerlerden bas-aiaǵy 400-ge tarta shyǵarma kelip tústi. Onyń ishinde Ereje talaptaryna sai dep tanylǵan 287 shyǵarma iriktelip, aikyn.kz saitynda jariialandy.
Baiqaý komissiiasy birlesken sheshim arqyly «Proza», «Poeziia», «Dramatýrgiia», «Kórkem film men teleserial stsenarii», «Balalarǵa arnalǵan shyǵarma» atty bes atalym boiynsha barlyǵy 16 júldeli oryn iegerin anyqtady.
Baiqaý komissiiasynyń tóraǵasy, Memlekettik syilyqtyń laýreaty, Qazaqstannyń eńbek sińirgen qairatkeri, jazýshy Álibek Asqar 287 shyǵarmanyń 173-shi – poeziia, 52-si – proza, 43-i – balalarǵa arnalǵan shyǵarma, 10-y – dramatýrgiia, 9-y – kórkem film men teleserial stsenarii janry boiynsha jazylǵanyn aitty.
«Osy shyǵarmalardyń barlyǵyn árbir janr boiynsha bólip alyp, komissiia músheleri jeke-jeke qarap shyqtyq. Birneshe ret bas qosyp, talqyladyq. Talanttar óte kóp. Alǵashynda barlyq janrǵa 3 orynnan belgilegenimizben, sońǵy jinalysta partiianyń basshylyǵyna «Poeziia» men «Proza» nominatsiiasyna taǵy eki orynnan qosýǵa ótinish jasadyq. Olar osy eki janrdyń árqaisyna taǵy eki arnaiy syilyq qosyp berdi. Osy oraida, rýhaniiatymyzdy qoldaǵan «Nur Otan» partiiasyna alǵysymdy bildiremin», - dedi Álibek Asqar.
Sonymen, «Proza» nominatsiiasy boiynsha birinshi oryndy – jazýshy Qanat Ábilqaiyr, ekinshi oryndy – IT maman, mediasaýat jáne kiberqaýipsizdik boiynsha mediatrener Meiirjan Jylqybai, úshinshi oryndy – aqyn, aýdarmashy, jazýshy Arman Ádilbek ielendi. Osy nominatsiiadaǵy Oralhan Bókei atyndaǵy arnaiy syilyq L.N.Gýmilev atyndaǵy EUÝ-niń oqytýshysy Almaz Myrzahmetke buiyrsa, Berdibek Soqpaqbaev atyndaǵy arnaiy syilyqty Shet tilder jáne iskerlik karera ýniversitetiniń muǵalimi Elmira Nazirova jeńip aldy.
«Poeziia» nominatsiiasynda birinshi orynǵa Jambyl oblystyq «AR-AI» gazetiniń «Mádeniet jáne áleýmet» bóliminiń redaktory Nurjan Qadiráli, ekinshi orynǵa Almaty oblysynyń Kókqainar aýylyndaǵy №44 orta mekteptiń muǵalimi Tólegen Mellat, úshinshi orynǵa Shyǵys Qazaqstan oblysynyń «Aiagóz jańalyqtary» aýdandyq gazetiniń bas redaktory Ermek Daiyrbaev laiyqty dep tanyldy. M.Maqataev atyndaǵy arnaiy syilyqty «Oral óńiri» Batys Qazaqstan oblystyq qoǵamdyq-saiasi gazetiniń tilshisi Marlen Ǵilymhan, al J.Jabaev atyndaǵy arnaiy syilyqty Respýblikalyq «Egemen Qazaqstan» gazetiniń tilshisi Raýan Qabidoldin ielendi.
«Dramatýrgiia» nominatsiiasynda úshinshi orynǵa Oral qalasynyń Michýrin mektebi balabaqsha-bóbekjai kesheniniń muǵalimi Aitolqyn Balmýldina laiyqty dep tanyldy.
«Kórkem film men teleserial stsenarii» nominatsiiasy boiynsha ekinshi oryndy Nur-Sultan qalasy Baýyrjan Momyshuly atyndaǵy №53 mektep-litseidiń muǵalimi Jaqsylyq Muratbek ielense, úshinshi oryndy jazýshy, stsenarist Záýre Tórehan jeńip aldy.
«Balalarǵa arnalǵan shyǵarma» nominatsiiasy boiynsha birinshi oryn – «Abai TV» telearnasynyń qyzmetkeri Oljas Qasymǵa, ekinshi oryn – Ál-Farabi atyndaǵy QUÝ-niń «Qazaq ýniversiteti» gazetiniń tilshisi Nurbek Nurjanulyna, úshinshi oryn «Egemen Qazaqstan» gazetiniń bólim meńgerýshisi Miras Asanǵa buiyrdy.
Saltanatty sharada «Poeziia» nominatsiiasynda birinshi orynǵa laiyqty dep tanylǵan Nurjan Qadiráli óz lebizin bildirdi.
«Táýelsizdiktiń qalai kelgeni aǵa býyn ókilderine jaqsy belgili. Al biz siiaqty táýelsizdiktiń qurdastary men el egemendigin alǵannan keiin dúniege kelgen balalar úshin Táýelsizdik – ol anadai qadirli, ákedei asyl, baýyrdai ystyq, inidei izgi, qaryndastai aiaýly, osynaý baq-berekemizdiń boitumary. Elbasy qasietti qara shańyraq Qazaqstannyń kelesheginde biz siiaqty jas býynǵa úlken senim artty. Sol senimnen shyǵa bereiik. Táýelsizdik degen bir kúndik mereke emes. Táýelsizdiktiń árbir kúni mereke!»,- dedi ol.
Óz kezeginde Berdibek Soqpaqbaev atyndaǵy arnaiy syilyqtyń iegeri atanǵan Elmira Nazirova qazaqstandyqtardy Táýelsizdik merekesimen quttyqtai kele, «Egemendik pen Elbasy egiz uǵym dep sanaimyn. Sebebi, qazirgi tańda Qazaqstan beibitsúigish, tolerantty el retinde tanyldy. Odan bólek, ishki saiasatta, jastardy, jas analardy qoldaityn birden-bir memleketterdiń birimiz», - dedi.
Eske sala keteiik, baiqaýda birinshi oryn júldesi úshin – 1 000 000 teńge, ekinshi orynǵa – 750 000 teńge, úshinshi oryn men arnaiy syilyqqa – 500 000 teńgeden júlde berildi.
