Kaspii jaǵalaýynan tabylǵan óli itbalyqtar men aqqýlardan qaýipti aýrý belgileri anyqtalǵan joq, dep habarlaidy dalanews.kz.
"Za nami ýje vyehali" telegram arnasynyń málimetinshe, mamandar sáýir aiynda tabylǵan janýarlar ólekselerine zerthanalyq tekserý júrgizgen. Aldyn ala qorytyndyǵa sáikes, sý men janýarlar denesinen qaýipti infektsiialar da, ziiandy zattardyń shamadan tys mólsheri de tabylmaǵan.
Aýyl sharýashylyǵy vitse-ministri Amanǵali Berdalin mundai jaǵdailar Kaspiide burynnan kezdesetinin aitty. Onyń sózinshe, itbalyqtar men qustardyń qyrylýyna tabiǵi qubylystar, sonyń ishinde jer silkinisi kezindegi gaz bólinýi áser etýi múmkin.
"Kóbine teńiz jaǵalaýyna shyǵyp qalǵan ólekseler ábden buzylyp ketken kúide jatady. Biz únemi synama alyp, zertteý júrgizemiz. Biraq ázirge eshqandai juqpaly aýrý anyqtalǵan joq", – dedi Berdalin.
Al ekologiia vitse-ministri Nurken Shárbiev sý quramynan da ziiandy zattardyń mólsheri shekten aspaǵanyn málimdedi.
Eske salaiyq, 7 sáýirde Túpqaraǵan aýdanyndaǵy Kaspii jaǵalaýynan 191 itbalyqtyń óleksesi tabylǵan edi.
