Atyraýdaǵy qandy qylmys boiynsha alǵashqy sot otyrysy qashan ótetini belgili boldy, dep habarlaidy dalanews.kz.
Alǵashqy sot otyrysy 18 mamyr kúni saǵat 11:00-ge belgilengen. Protsess ashyq formatta ótedi.
Kúdiktige qatysty Qazaqstan Respýblikasy Qylmystyq kodeksiniń "Eki nemese odan da kóp adamdy óltirý" baby boiynsha aiyp taǵylǵan.
Sonymen qatar tergeý barysynda qaza tapqan otbasynyń malyn satý jáne olardyń bank kartalaryndaǵy qarajatty iemdený faktileri de qarastyrylyp jatyr.
Prokýratýra barlyq tergeý áreketteri tolyq aiaqtalǵanyn, endi is materialdarynyń jaqyn kúnderi sotqa joldanatynyn málimdedi. Aldyn ala málimet boiynsha, sot otyrysy osy aida bastalýy múmkin.
Sonymen birge vedomstvo keibir buqaralyq aqparat quraldarynda jariialanǵan "kúdiktige ómir boiyna bas bostandyǵynan aiyrý qaýpi tónip tur" degen aqparattyń prokýratýra tarapynan taratylmaǵanyn naqtylady.
