Túrkistan qalasynda eki birdei Tesla Cybertruck kóligi baiqaldy, dep habarlaidy dalanews.kz.
Qymbat kólikterdiń memlekettik nómirlerine qaraǵanda, olar Shymkent qalasyndaǵy Memlekettik kúzet qyzmetine jáne Túrkistan oblystyq Tótenshe jaǵdailar departamentine tiesili bolýy múmkin.
Glass_turan pabligi jariialaǵan videoda eki kóliktiń qala kireberisindegi alyp Taiqazan músininiń janynan ótip bara jatqany túsirilgen.
Qazirgi ýaqytta óńirdiń ákimshilik ortalyǵynda Túrki memleketteri uiymyna múshe elder kóshbasshylarynyń beiresmi sammitine daiyndyq júrip jatyr. Is-shara 13-15 mamyr aralyǵynda ótedi.
Jeli qoldanýshylary mundai erekshe kólikterdiń qala kóshelerinde paida bolýyn aldaǵy halyqaralyq jiynmen bailanystyryp otyr.
