Ózin prodiýser aǵasy zorlaǵanyn málimdegen qazaqstandyq Nurǵali Nuǵman esimdi jigit áleýmettik jelide taǵy bir málimdeme jasady, dep habarlaidy dalanews.kz.
Onyń aitýynsha, buǵan deiingi videoda ol "Balapan" telearnasyn "balapan" dep atalǵan kommertsiialyq jobamen shatastyryp alǵan.
"Meniń kókem zorlady degen videony kórgen bolarsyzdar. Negizi ol jerde "Balapan" telearnasyn "balapan" kommertsiialyq jobasymen shatastyryppyn. "Balapan" telearnasynyń ujymynan keshirim suraimyn jáne olardyń eńbegin óte joǵary baǵalaimyn. Osy jaǵdai týraly suhbatqa shaqyrsańyzdar, bárin tolyq aityp berýge daiynmyn. Bul aqiqatty kóleńkede qaldyrǵym kelmeidi, sizderden qoldaý kútemin. Óitkeni mundai jaǵdai bizdiń elde kóbeiip ketti. Sondai zardap shekken adamdardyń biri – menmin", – dedi ol.
Áleýmettik jeli qoldanýshylary Nurǵali Nuǵmanǵa qoldaý bildirip jatyr. Sonymen qatar birneshe tanymal jýrnalist ony suhbatqa shaqyrýǵa daiyn ekenin jazǵan.
