Baıanaýylda Túrkistan oblysynyń jádigerler kórmesi ótti

Dalanews 19 qyr. 2023 08:45 455

Túrkistan oblysynyń qurylǵanyna 5 jyl tolýyna oraı jáne óńiraralyq mádenı-rýhanı baılanysty nyǵaıtý maqsatynda Pavlodar oblysy, Baıanaýyl aýdany, Baıanaýyl aýylyndaǵy akademık Qanysh Sátpaevtyń memorıaldyq mýzeıinde Túrkistan oblystyq mádenıet jáne týrızm basqarmasyna qarasty Rýhanıat-Ábý Násir ál-Farabı mýzeıiniń «Túrkistan óńiriniń tulǵalary men muralary» kórmesiniń ashylýy ótti, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Kórme aıasynda Túrkistan tarıhy men tulǵalaryna arnalǵan konferensıa uıydastyryldy. Kórmede kóne Túrkistan óńiriniń tarıhyna baılanysty jáne Arystan bab, Qoja Ahmet Iassaýı, Ál-Farabı, Maılyqoja Sultanqojauly, Súgir Áliuly, Qajymuqan Muńaıtpasuly, Ózbekáli Jánibekov, Shámshi Qaldaıaqovtyń jádigerleri kórsetildi.

Kórmege Baıanaýyl ákimdiginiń basshylyǵy, zıaly qaýym ókilderi, mýzeı, kitaphana jáne BAQ ókilderi qatysty. Kórme teriskeı halqynyń ystyq yqylasyna bólendi. Atalǵan kórme erteńge deıin jalǵasady.

 

Usynylǵan
Sońǵy jańalyqtar