تۇركىستان وبلىسىنىڭ قۇرىلعانىنا 5 جىل تولۋىنا وراي جانە ءوڭىرارالىق مادەني-رۋحاني بايلانىستى نىعايتۋ ماقساتىندا پاۆلودار وبلىسى، باياناۋىل اۋدانى، باياناۋىل اۋىلىنداعى اكادەميك قانىش ساتپايەۆتىڭ مەموريالدىق مۋزەيىندە تۇركىستان وبلىستىق مادەنيەت جانە تۋريزم باسقارماسىنا قاراستى ءرۋحانيات-ابۋ ءناسىر ءال-فارابي مۋزەيىنىڭ «تۇركىستان ءوڭىرىنىڭ تۇلعالارى مەن مۇرالارى» كورمەسىنىڭ اشىلۋى ءوتتى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

كورمە اياسىندا تۇركىستان تاريحى مەن تۇلعالارىنا ارنالعان كونفەرەنسيا ۇيىداستىرىلدى. كورمەدە كونە تۇركىستان ءوڭىرىنىڭ تاريحىنا بايلانىستى جانە ارىستان باب، قوجا احمەت ياسساۋي، ءال-فارابي، مايلىقوجا سۇلتانقوجا ۇلى، سۇگىر ءالى ۇلى، قاجىمۇقان مۇڭايتپاس ۇلى، وزبەكالى جانىبەكوۆ، ءشامشى قالداياقوۆتىڭ جادىگەرلەرى كورسەتىلدى.

كورمەگە باياناۋىل اكىمدىگىنىڭ باسشىلىعى، زيالى قاۋىم وكىلدەرى، مۋزەي، كىتاپحانا جانە ب ا ق وكىلدەرى قاتىستى. كورمە تەرىسكەي حالقىنىڭ ىستىق ىقىلاسىنا بولەندى. اتالعان كورمە ەرتەڭگە دەيىن جالعاسادى.