Óńirde 9 ai ishinde 2025 jylǵa deiin josparlanǵan 872 is-sharanyń 27%-ti oryndalǵan. 809 myń sharshy metr turǵyn úi boi kótergen, 28 mektep salynyp, jóndeýden ótken, 22 myń turaqty jańa jumys orny ashyldy.
Baýyrjan Baibek atap ótkendei, Memleket basshysy Qasym-Jomart Toqaev jariia etken «Ózgerister joly: Ár azamatqa laiyqty ómir!» Sailaýaldy baǵdarlamasy aiasynda balalardy mektepke deiingi bilim berýmen qamtamasyz etýge erekshe nazar aýdarylady. 2025 jylǵa qarai óńirlerde 3-ten 6 jasqa deiingi balalardy 100% balabaqshamen qamtý, sondai-aq kezekke qoiý tártibin tolyqtai tsifrlandyrýmen qamtamasyz etý josparlanýda.
– Mańǵystaý oblysynda jyl basynan beri 18 mektepke deiingi mekeme ashyldy. Sapar barysynda Túpqaraǵan aýdany Saiyn Shapaǵatov atyndaǵy aýylda jeke investitsiia esebinen ashylǵan «HADIYA» balabaqshasynda boldym. Tárbieshilermen birge ustazdardyń áleýmettik jaǵdaiyn jaqsartý, jas otbasylarǵa turǵyn úi salý, aýyl okrýgterin sapaly aýyz sýmen qamtamasyz etý jáne ózge de máselelerdi talqyladyq, – dep jazdy ol Facebook-tegi paraqshasynda.
Budan keiin Aqshuqyr aýylynda Baýyrjan Baibek «Súleimen» jańa sport keshenin aralady. Keshende jastar úshin kúres, dziýdo, karate, kórkem gimnastika, júzý syndy sport túrleri qoljetimdi.
Partiia Tóraǵasy Birinshi orynbasarynyń aitýynsha, jalpy sailaýaldy baǵdarlama aiasynda biyl óńirlerde 127 myńnan astam sport sektsiiasy ashylyp, 22 myńnan astam balalar úiirmeleriniń jumysy qaita jandanǵan. Jattyqtyrýshy-oqytýshylardyń jalaqysy 1,5 ese ósken, al 2023 jylǵa qarai 2 ese artady.
Osy kúni kezekten tys konferentsiiada «Nur Otan»-nyń oblystyq filialynyń jańa tóraǵasy bolyp Nurlan Noǵaev sailandy.
– Filial basshylyǵynyń aldyna árbir aýdan men qalada sailaýaldy mindettemelelerdi sapaly oryndaý, fraktsiialar men qoǵamdyq keńester jumysyn jandandyrý, sondai-aq, partiianyń qoǵamdyq qabyldaý bólmeleri arqyly turǵyndardyń máselelerin sheshýdiń tiimdiligin arttyrý mindetteri qoiyldy, – dedi «Nur Otan» partiiasy Tóraǵasynyń Birinshi orynbasary.
Partiianyń baspasóz qyzmeti taratqan aqparatqa sáikes, sapar barysynda Baýyrjan Baibek elimizdiń batys óńirlerinde: Aqtóbe, Atyraý, Batys Qazaqstan jáne Mańǵystaý oblystarynda sailaýaldy ýádelerdiń iske asyrylý barysyn onlain formatta talqylaǵan.
