QMA Aqtóbe oblysy boiynsha departamenti prokýratýranyń úilestirýimen mindetti tólemnen jaltarý maqsatynda júk kólikterin zańsyz esepke qoiýmen ainalysqan qylmystyq topqa qatysty tergep-tekserýdi aiaqtady, dep habarlaidy dalanews.kz.
Tergeý amaldaryna sai top músheleri Aqtóbe, Atyraý jáne Batys Qazaqstan oblystary aýmaǵynda N3 sanatyndaǵy (júk tartqyshtar) jáne M1 sanatyndaǵy (jeńil kólikter) 82 kólikti zańsyz tirkegen. Quramynda 9 adam bolǵan, olardyń arasynda avtoinspektor men notariýs ta bar.
Klientter messendjerler men internet resýrstar arqyly tabylyp, mindetti tólemsiz júk kóligin tirkeý qyzmeti usynylǵan. Kelisim jasalǵannan keiin uiymdastyrýshy kólik týraly málimetti ishki ister organdarynyń qyzmetkerine berip, uqsas tehnikalyq sipattamalary bar, buryn esepten shyǵarylǵan kólikterdi iriktetken. Odan ári top músheleri jalǵan satyp alý-satý sharttary men senimhattar rásimdep, jalǵan tulǵalardy tartyp, qujattardy arnaiy HQKO arqyly ótkizip, zańsyz tirkegen.
Memleketke keltirilgen jalpy zalal 705 mln teńge bolǵan. Sot sanktsiiasymen kúdiktilerdiń 2,4 mlrd teńge turatyn múlkine tyiym salyndy.
Bes kúdikti qamaýǵa alynyp, úsheýine úiqamaq túrindegi bultartpaý sharasy qoldanyldy. Qylmystyq is sotqa joldandy.
