Buǵan deıin óz rezıdensıasynyń aýmaǵynda avtomat asynyp, syrttaǵy elgi ses kórsetip júrgen Lýkashenko ózgerister týraly oılana bastady dep habarlaıdy Dalanews.kz.
Prezıdent rezıdensıasynyń aldyndaǵy ereýildetken eldiń qarasy kún ótken saıyn kóbeıip, bılikti kúndiz kúlkiden, túndi uıqydan aıyrýda.
Prezıdentke qarasty Pýl-pervogo telegram-arnasynyń habarlaǵanyndaı Lýkashenko ózgeristerge qarsy emes, ony tek ótkenmen baılanystyrǵysy joq. Qoǵamdy alǵa súıreıtin ózgeristerdi ǵana quptaıtyn kórinedi.
"Keıbireý aıtyp júrgendeı 1994 jylǵy Konstıtýtsıaǵa oralǵannan utarymyz shamaly. Biz osy bir alasapyran kezeńde ómir súrdik. Sol kezeńniń qıyn-qystaýyn bastan ótkerdik, boıymyzǵa sińirdik. Alaıda ol kez ótti. Kelmeske ketti...
Qandaı, nendeı jaǵdaıyn bolǵanyna bárińiz kýásizder. Ótkenge oralý - alǵa jyljý emes. Ózgeris ótkenge oralý degendi bildirmeıdi. Kerisinshe, keri júrý bul. Ózgerister bizdiń qoǵamdy alǵa súıreýi kerek. Bizdiń usynamyz osy. Osyndaı ózgeristerdiń oryn alýyn quptaımyz. Halyqqa usynarymyz da osy...", – deıdi Lýkashenko.
Belarýs prezıdenti óziniń báz-baıaǵy ádetine basyp halyqqa qandaı ózgerister usynaryn ashyp aıtpaǵan eken.
